ಕಮಲಾನಗರದ ಎನ್ ಜಿಒ ಕಾಲನಿಯ ತಗ್ಗು ಪ್ರದೇಶದ ಪಕ್ಕದಲ್ಲಿ 15 ವರ್ಷದ ರಾಜೇಶ್ವರಿ ಎಂಬುವವರು ಮನೆ ನಿರ್ಮಿಸಿದ್ದಾರೆ. ಆದರೆ, ತಗ್ಗು ಪ್ರದೇಶದ ಪಕ್ಕದಲ್ಲಿದ್ದರೂ ತಡೆಗೋಡೆಯನ್ನು ಭದ್ರವಾಗಿ ನಿರ್ಮಿಸಿರಲಿಲ್ಲ. ಒಟ್ಟು ಮೂರು ಮಹಡಿಯ ಕಟ್ಟಡದಲ್ಲಿನ 7 ಮನೆಗಳನ್ನು ಬಾಡಿಗೆ ಮತ್ತು ಭೋಗ್ಯಕ್ಕೆ ಕೊಟ್ಟು ಮಾಲೀಕರು ಬೇರೆಡೆ ವಾಸವಾಗಿದ್ದಾರೆ. ಧಾರಾಕಾರವಾಗಿ ಮಳೆ ಸುರಿದು ರಾತ್ರಿ 10 ಗಂಟೆಗೆ ಬುನಾದಿ ಕುಸಿದು ಮನೆ ಬೀಳುವ ಸ್ಥಿತಿ ತಲುಪಿದ್ದರೂ, ಮನೆ ಮಾಲೀಕರು ಬಂದಿಲ್ಲ. ಅಗ್ನಿಶಾಮಕ ದಳ ಮತ್ತು ಪೊಲೀಸ್ ಸಿಬ್ಬಂದಿ ಮನೆಯ ನಿವಾಸಿಗಳನ್ನು ಹೊರಗೆ ಕರೆತಂದಿದ್ದಾರೆ. ಮಾಜಿ ಕಾರ್ಪೊರೇಟರ್ ಎಂ. ಶಿವರಾಜು ಮನೆ ನಿವಾಸಿಗಳನ್ನು ಬೇರೆಡೆ ಉಳಿದುಕೊಳ್ಳಲು ವ್ಯವಸ್ಥೆ ಮಾಡಿದ್ದಾರೆ.
