ಆ ನಂಬರ್ಗೆ 10 ರೂ. ವರ್ಗಾವಣೆ ಮಾಡಿದ ಸೈಬರ್ ಕಳ್ಳ, ಪರೀಕ್ಷೆ ಮಾಡಲು ಹಣ ಕಳುಹಿಸಿದ್ದೆನೆ. 10 ರೂ. ಬಂದಿದ್ದರೇ 30 ಸಾವಿರ ರೂ. ಕಳುಹಿಸುವುದಾಗಿ ಹೇಳಿದ್ದಾನೆ. ಮಹೇಶ್, 10 ರೂ. ಬಂದಿರುವುದಾಗಿ ಖಚಿತ ಪಡಿಸಿದ್ದಾರೆ. ಅದಕ್ಕೆ ಪ್ರತಿಯಾಗಿ ಆರೋಪಿ ಸಚಿನ್, ನಿಮ್ಮ ಮೊಬೈಲ್ಗೆ ಲಿಂಕ್ ಕಳುಹಿಸುತ್ತೆನೆ. ಅದರ ಮೇಲೆ ಒಮ್ಮೆ ಒತ್ತಿ ಹಣ ನಿಮ್ಮ ಬ್ಯಾಂಕ್ ಖಾತೆಗೆ ಬರಲಿದೆ ಎಂದು ಹೇಳಿ ಲಿಂಕ್ ಕಳುಹಿಸಿದ್ದಾನೆ. ಮಹೇಶ್, ಲಿಂಕ್ ಮೇಲೆ ಒತ್ತಿ ಅದರಲ್ಲಿ ಕೇಳಿದ ಕೆಲ ಮಾಹಿತಿಯನ್ನು ತುಂಬಿದಾಗ ಹಂತ ಹಂತವಾಗಿ 50 ಸಾವಿರ ರೂ. ವರ್ಗಾವಣೆ ಮಾಡಿಕೊಂಡಿದ್ದಾನೆ. ಎಚ್ಚೆತ್ತ ಮಹೇಶ್, ಖಾತೆ ಬ್ಲಾಕ್ ಮಾಡಿದ್ದಾರೆ. ವಂಚನೆಗೆ ಒಳಗಾಗಿರುವುದು ಖಚಿತವಾಗಿ ಠಾಣೆಗೆ ಬಂದು ದೂರು ನೀಡಿದ್ದಾರೆ ಎಂದು ವೈಟ್ಫೀಲ್ಡ್ ವಿಭಾಗ ಸಿಇಎನ್ ಠಾಣೆ ಪೊಲೀಸರು ತಿಳಿಸಿದ್ದಾರೆ.
