ಮೂರು ಸಾವಿರ ರೂ. ಲಂಚ ಕೇಳಿ ಎಸಿಬಿ ಬಲೆಗೆ ಬಿದ್ದ ಕಂದಾಯ ಇಲಾಖೆ ಅಧಿಕಾರಿ

ಬಾಗಲಕೋಟೆ: ಲಂಚ ಪಡೆಯಲು ಹೋಗಿ ಎಷ್ಟೋ ಅಧಿಕಾರಿಗಳು ಎಸಿಬಿ ಬಲೆಗೆ ಬೀಳುತ್ತಿದ್ದರೂ ಇನ್ನೂ ಹಲವು ಇಲಾಖೆಯ ಅಧಿಕಾರಿಗಳು ಬುದ್ಧಿಕಲಿತಂತಿಲ್ಲ.

ಇದೀಗ ಬಾಗಲಕೋಟೆಯ ಪ್ರಥಮ ದರ್ಜೆ ಕಂದಾಯ ನಿರೀಕ್ಷಕ ಎಸಿಬಿ ಬಲೆಗೆ ಬಿದ್ದಿದ್ದಾರೆ. ಬೀಳಗಿಯ ಕೃಷ್ಣಾ ಮೇಲ್ದಂಡೆ ಯೋಜನೆ ಪುನರ್ವಸತಿ ಅಧಿಕಾರಿಗಳ ಕಚೇರಿಯ ಪ್ರಥಮ ದರ್ಜೆ ಕಂದಾಯ ನಿರೀಕ್ಷಕರಾಗಿರುವ ಹುಸೇನ್ ಲಿಂಗನ್ನವರ್ ಬಲೆಗೆ ಬಿದ್ದಿದ್ದಾರೆ.

ಬಾಗಲಕೋಟೆ ಜಿಲ್ಲೆ ಬೀಳಗಿ ಪಟ್ಟಣದಲ್ಲಿ ಈ ಘಟನೆ ನಡೆದಿದೆ. ಜಮಖಂಡಿ ತಾಲೂಕಿನ ಮರೆಗುದ್ದಿ ಗ್ರಾಮದ ನಿವಾಸಿ. ಹನುಮಂತ ಎನ್ನುವವರಿಂದ ಲಂಚ ಕೇಳಿರುವ ಆರೋಪ ಇವರ ಮೇಲಿದೆ. ತಂದೆ ಮೃತ ಬಳಿಕ ನಿವೇಶನದಲ್ಲಿ ಮಗನ ಹೆಸರು ಸೇರ್ಪಡೆಗೆ (ವಾರಸಾ) ಲಂಚದ ಬೇಡಿಕೆ ಒಡ್ಡಿದ್ದ ಹುಸೇನ್​ ಅವರನ್ನು ಎಸಿಬಿ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.

ಹೆಸರು ಸೇರ್ಪಡೆಗೆ ಇವರು 3 ಸಾವಿರ ಲಂಚ ಕೇಳಿದ್ದರು. ಈ ಕುರಿತು ಹನುಮಂತ ಅವರು ಎಸಿಬಿ ಅಧಿಕಾರಿಗಳಲ್ಲಿ ದೂರು ದಾಖಲು ಮಾಡಿದ್ದರು. ನಂತರ ಎಸಿಬಿ ಅಧಿಕಾರಿಗಳ ಸಲಹೆಯಂತೆ ಲಂಚ ನೀಡಲು ಹೋಗಿದ್ದರು. ಈ ವೇಳೆ ದಾಳಿ ಮಾಡಿರುವ ಅಧಿಕಾರಿಗಳು ಹಣ ಸ್ವೀಕರಿಸುವ ವೇಳೆಗೆ ಬಂಧಿಸಿದ್ದಾರೆ.

ಇವರ ವಿರುದ್ಧ ದೂರು ದಾಖಲು ಮಾಡಿಕೊಳ್ಳಲಾಗಿದ್ದು, ಮುಂದಿನ ಕ್ರಮ ಜರುಗಿಸಲಾಗುತ್ತಿದೆ ಎಂದು ಬಾಗಲಕೋಟೆ ಎಸಿಬಿ ಡಿವೈಎಸ್ಪಿ ಸುರೇಶ್ ರೆಡ್ಡಿ ಹೇಳಿದ್ದಾರೆ.

https://www.vijayavani.net/s-supari-by-wife-and-son-arrest/

https://www.vijayavani.net/s-india-should-make-a-move-for-peace/