ಗ್ರಾಮೀಣ ಭಾಗದ ಓದುಗರಿಗೆ ನಿರಾಸೆ

ಮುದಗಲ್: ಜಿಪಂ ಅನುದಾನದ ಅಡಿಯಲ್ಲಿ ಹೊಸದಾಗಿ ಪ್ರತಿ ಗ್ರಾಪಂಗಳ ವ್ಯಾಪ್ತಿಯಲ್ಲಿ ಗ್ರಾಮ ಗ್ರಂಥಾಲಯ ಅನುಷ್ಠಾನಗೊಳಿಸಿಲು ಇಲಾಖೆ ಅಧಿಸೂಚನೆ ನೀಡಿದರೂ ಪಿಡಿಒ ನಿರ್ಲಕ್ಷೃದಿಂದ ಓದುಗಾರರಿಂದ ದೂರ ಉಳಿದಿದೆ.

ಇದನ್ನೂ ಓದಿ: ಪುಸ್ತಕ ಓದುವ ಹವ್ಯಾಸ ಬೆಳೆಸಿಕೊಳ್ಳಿ

ಸಮೀಪದ ಖೈರವಾಡಗಿ ಗ್ರಾಪಂ ವ್ಯಾಪ್ತಿಯ ಹನುಮನಗುಡ್ಡ ಹಾಗೂ ಆಶಿಹಾಳ ತಾಂಡಕ್ಕೆ ಮಂಜೂರಾದ ಗ್ರಾಮ ಗ್ರಂಥಾಲಯಗಳಿಗೆ ಸಲಕರಣೆಗಳನ್ನು ಈಗಾಗಲೇ ಜಿಪಂ ಪೂರೈಕೆ ಮಾಡಿದೆ. ಅದರೆ, ಪಿಡಿಒ ರಾಮಪ್ಪ ನಾಗಬೇನಾಳ ಸ್ಥಳ ಗುರುತಿಸಿ ಸಲಕರಣೆಗಳನ್ನು ಸ್ಥಳಾಂತರಿಸಲು ಹಿಂದೇಟು ಹಾಕುತ್ತಿದ್ದಾರೆ.

ಇದನ್ನೂ ಓದಿ: ಓದುಗರ ಕಲ್ಪನಾಲೋಕ ತೆರೆಯುವ ಪುಸ್ತಕಗಳು,  ಚಿತ್ರನಟ ಡಾ. ಯಶವಂತ ಸರದೇಶಪಾಂಡೆ ಅಭಿಮತ, ಡಾ. ಡಿ.ವಿ. ಗುರುಪ್ರಸಾದ ಅವರ 6 ಕೃತಿಗಳ ಲೋಕಾರ್ಪಣೆ

ಗ್ರಾಮ ಗ್ರಂಥಾಲಯ ಹಳ್ಳಿಗಳಲ್ಲಿರುವ ಜನರಿಗೆ ಓದಲು ಮತ್ತು ಕಲಿಯಲು ಅನುಕೂಲವಾಗುವಂತೆ ಪುಸ್ತಕಗಳು, ಸಂಪನ್ಮೂಲಗಳನ್ನು ಸರ್ಕಾರ ಒದಗಿಸಿದೆ. ಅದರೆ, ಸ್ಥಳದ ಕೊರತೆ ನೆಪವೊಡ್ಡಿ ಗ್ರಂಥಾಲಯ ಚಾಲನೆಗೆ ಮೀನಾಮೇಷ ಎಣಿಸುತ್ತಿರುವುದು ಅಲ್ಲಿನ ನಿವಾಸಿಗಳಿಗೆ ಅಸಮಾಧಾನ ಉಂಟು ಮಾಡಿದೆ.

ಇದನ್ನೂ ಓದಿ: 4,5ನೇ ತರಗತಿ ಸರ್ಕಾರಿ ಶಾಲಾ ಮಕ್ಕಳಿಗೆ ‘ಓದು ಕರ್ನಾಟಕ’: ಏನಿದು ಯೋಜನೆ, ವಿದ್ಯಾರ್ಥಿಗಳಿಗೆ ಲಾಭವೇನು?

ಸರ್ಕಾರದ ಸೌಲಭ್ಯಗಳನ್ನು ಗ್ರಾಪಂ ಮೂಲಕ ಯೋಜನೆ ಅನುಷ್ಠಾನಗೊಳಿಸದೇ, ಬೇಜವಾಬ್ದರಿತನದ ಹೇಳಿಕೆ ನೀಡಿ ದಾರಿ ತಪ್ಪಿಸುವ ಕಾರ್ಯ ಮಾಡುತ್ತಿದ್ದಾರೆ. ಕಾಲಹರಣ ಮಾಡದೇ ಮೇಲಾಧಿಕಾರಿಗಳು ಶೀಘ್ರದಲ್ಲೇ ನೂತನ ಗ್ರಾಮ ಗ್ರಂಥಾಲಯ ಚಾಲನೆ ಮಾಡುವವರ ಎಂದು ಕಾದು ನೋಡಬೇಕಿದೆ.