ರಾಜ್ಯ ಸರ್ಕಾರದ ವಾರ್ಷಿಕ ಬಜೆಟ್ 3.27 ಲ ಕೋಟಿ ರೂ. ಆದರೆ, ಈ ಬಜೆಟನ್ನೂ ಮೀರಿಸುವಷ್ಟು ಹಣ ಈ ಯುವತಿಯ ಖಾತೆಗೆ ಜಮೆಯಾಗಿದೆ ಎಂಬುದರ ಹಿಂದೆ ರೈಸ್ ಪುಲ್ಲಿಂಗ್ (ಆರ್ಪಿ) ದಂಧೆ ಇದೆಯೇ ಎಂಬ ಅನುಮಾನ ಮೂಡಿದೆ. ವಾಸ್ತವವಾಗಿ ಈ ಯುವತಿಗೆ ಯಾವುದೇ ಹಣ ಬಂದಿಲ್ಲವಾದರೂ, ರೈಸ್ ಪುಲ್ಲಿಂಗ್ ಮಾರಾಟದಲ್ಲಿ ಹಣ ಬಂದಿದೆ ಎಂದು ಬಿಂಬಿಸಲು ಅಥವಾ ಜಮೆಯಾಗಿದೆ ಎನ್ನಲಾದ ಹಣದ ಹೆಸರಿನಲ್ಲಿ ವಂಚನೆ ಮಾಡಲು ದಂಧೆಕೋರರು ತಂತ್ರ ಹೆಣೆದಿರುವ ಸಂಭವವಿದೆ. ಯುವತಿಯ ಖಾತೆಗೆ ಹಣ ಬಂದಿದೆ ಎನ್ನಲಾದ ದಾಖಲೆಗಳನ್ನು ಸೃಷ್ಟಿಸಿರುವ ಹಿಂದೆ ಕಾಣದ ಕೈಗಳು ಕೆಲಸ ಮಾಡಿದ್ದು, ರೈಸ್ ಪುಲ್ಲಿಂಗ್ ದಂಧೆಯ ಮುಂದುವರಿದ ಭಾಗ ಇದು ಎಂಬುದರಲ್ಲಿ ಸಂದೇಹವೇ ಇಲ್ಲ ಎನ್ನಬಹುದಾಗಿದೆ. ಈ ಯುವತಿಯ ಗ್ರಾಮ ಈ ಹಿಂದೆ ಗಂಗರ ಉಪರಾಜಧಾನಿಯಾಗಿದ್ದು, ಈ ಗ್ರಾಮದಲ್ಲಿ ಈ ಅಮೂಲ್ಯ ವಸ್ತು ಸಿಕ್ಕಿದೆ ಎಂದರೆ ನಂಬಿಕೆಗೆ ಅರ್ಹ ಎಂಬ ಕಾರಣದಿಂದ ಈ ಸಂಚು ನಡೆದಿರುವ ಸಂಭವವೂ ಇದೆ. ಒಟ್ಟಾರೆ, ಈ ಪ್ರಕರಣ ತಾಲೂಕಿನಲ್ಲೂ ರೈಸ್ ಪುಲ್ಲಿಂಗ್ ಎಂಬ ದಂಧೆ ಕಣ್ಣು ಬಿಡುತ್ತಿರುವ ಸ್ಮೂ ಲಣವನ್ನು ಹೊರಹಾಕಿದೆ.
