ಮುಂಬಡ್ತಿ ನೀಡುವ ಸಂದರ್ಭದಲ್ಲಿ ಎದ್ದುಕಾಣುವ ಅಂಗವೈಕಲ್ಯ ನೌಕರ ಎಸ್ಸಿ ಮತ್ತು ಎಸ್ಟಿ ನೌಕರರಾಗಿದ್ದರೆ ಪರಿಶಿಷ್ಟ ಜಾತಿ/ಪರಿಶಿಷ್ಟ ಪಂಗಡಕ್ಕೆ ಗುರುತಿಸಲಾಗಿರುವ ರೋಸ್ಟರ್ ಬಿಂದುವಿನ ಎದುರು ಪರಿಗಣಿಸತಕ್ಕದ್ದು. ಅದೇರೀತಿ, ಮೀಸಲಾತಿ ರಹಿತ ಸರ್ಕಾರಿ ನೌಕರರು, ಎದ್ದು ಕಾಣುವ ಅಂಗವೈಕಲ್ಯ ವ್ಯಕ್ತಿಯಾಗಿದ್ದಲ್ಲಿ, ಅವರನ್ನು ಎದ್ದು ಕಾಣುವ ಅಂಗವೈಕಲ್ಯವನ್ನುಳ್ಳ ವ್ಯಕ್ತಿಗಳಿಗೆ ಗುರುತಿಸಲಾಗಿರುವ ಬಿಂದುಗಳ ಅಡಿ ಮೀಸಲಾತಿ ನೀಡಬೇಕು. ಎದ್ದು ಕಾಣುವ ಅಂಗವೈಕಲ್ಯ ಸರ್ಕಾರಿ ನೌಕರರು ಮುಂಬಡ್ತಿ ಹೊಂದಿದ್ದಲ್ಲಿ ಅದೇ ದಿನಾಂಕದಿಂದ ಜೇಷ್ಠತೆಗೆ ಅರ್ಹರಾಗುತ್ತಾರೆ. ಸ್ವಾಯುತ್ತ ಸಂಸ್ಥೆಗಳು, ವಿಶ್ವವಿದ್ಯಾಲಯಗಳು, ಸಾರ್ವಜನಿಕ ಉದ್ದಿಮೆಗಳು, ಆಯೋಗ, ನಿಗಮ, ಮಂಡಳಿ, ಸ್ಥಳೀಯ ಸಂಸ್ಥೆಗಳು ಹಾಗೂ ಸರ್ಕಾರದಿಂದ ಅನುದಾನ ಪಡೆಯುತ್ತಿರುವ ಸಂಸ್ಥೆಗಳು ಆದೇಶವನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕೆಂದು ರಾಜ್ಯ ಸರ್ಕಾರ ಸೂಚಿಸಿದೆ.
