ಸ್ಮಶಾನ ಜಾಗ ಅನ್ಯ ಉದ್ದೇಶಕ್ಕೆ ಬಳಸದಂತೆ ಮನವಿ

ಕುಶಾಲನಗರ: ಕುಶಾಲನಗರ ಆಧಿಶಂಕರಾಚಾರ್ಯ ಬಡಾವಣೆಯಲ್ಲಿ ಸ್ಮಶಾನಕ್ಕಾಗಿ ಮೀಸಲಿರಿಸಿದ್ದ 69 ಸೆಂಟ್ ಜಾಗದಲ್ಲಿ ಈದ್ಗಾ ಮೈದಾನ ನಿರ್ಮಿಸಲು ಸಮತಟ್ಟು ಮಾಡುತ್ತಿರುವುದನ್ನು ನಿಲ್ಲಿಸಬೇಕೆಂದು ಒತ್ತಾಯಿಸಿ ನಿವಾಸಿಗಳು ಕುಶಾಲನಗರ ತಹಸೀಲ್ದಾರ್, ಪುರಸಭೆ ಮುಖ್ಯಾಧಿಕಾರಿ ಹಾಗೂ ಕುಶಾಲನಗರ ಉಪವಿಭಾಗದ ಡಿವೈಎಸ್ಪಿ ಅವರಿಗೆ ಸೋಮವಾರ ಮನವಿ ಸಲ್ಲಿಸಿದರು.

ಬಡಾವಣೆ ನಿವಾಸಿ ಟಿ.ಆರ್.ರಾಮನಾಥನ್ ಮಾತನಾಡಿ, ಸರ್ಕಾರಿ ಜಾಗವನ್ನು ಜಾಮಿಯಾ ಮಸೀದಿಯ ಈದ್ಗಾ ಮೈದಾನದ ಹೆಸರಿನಲ್ಲಿ ನಕಲಿ ದಾಖಲೆ ಸೃಷ್ಟಿಸಿಕೊಳ್ಳಲಾಗಿದೆ. ಸ್ಮಶಾನ ಜಾಗವನ್ನು ಅನ್ಯ ಉದ್ದೇಶಕ್ಕೆ ಉಪಯೋಗಿಸಿಕೊಳ್ಳಲು ಬಿಡುವುದಿಲ್ಲ ಎಂದು ಹೇಳಿದರು.

ಬಡಾವಣೆಯ ವಿನು ಪೂವಯ್ಯ, ಪದ್ಮ ಪುರುಷೋತ್ತಮ, ಗಾಯತ್ರಿ, ಶರತ್, ಅಮೃತ್‌ರಾಜ್, ಡಿ.ಕೆ.ತಿಮ್ಮಪ್ಪ, ಪ್ರವೀಣ್ ಇತರರು ಇದ್ದರು.