ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 3-4 ವರ್ಷಗಳ ಹಿಂದೆ ವಿವಿಧ ಯೋಜನೆಗಳಡಿ ಸಾಲ ಪಡೆದ ಬಹುತೇಕರು ಸಾಲ ಮರುಪಾವತಿ ಮಾಡಿಲ್ಲ. ಇದರಿಂದ ಬ್ಯಾಂಕ್ ನಷ್ಟದ ಹಾದಿಯಲ್ಲಿದೆ. ಸುಸ್ತಿದಾರರ ಪಟ್ಟಿಯಲ್ಲಿ ಕೃಷಿಗಿಂತ ಕೃಷಿಯೇತರ ಹೆಚ್ಚಿನ ಆದಾಯ, ಆದಾಯ ತೆರಿಗೆ ಪಾವತಿ, ಕೃಷಿ ಭೂಮಿ ಗ್ರಾಮೀಣ ಪ್ರದೇಶದಲ್ಲಿದ್ದರೂ ಪಟ್ಟಣಗಳಲ್ಲಿ ಸ್ವಂತ ಮನೆ, ಬಾಡಿಗೆ ಮನೆಗಳಲ್ಲಿ ವಾಸಿಸುತ್ತಿರುವವರು, ನಾಲ್ಕು ಚಕ್ರದ ವಾಹನ ಹೊಂದಿರುವ ಸಾಲಗಾರರು ಕಡ್ಡಾಯವಾಗಿ ಸಾಲ ತುಂಬಬೇಕಿದೆ. ಈ ಕುರಿತು ಎಲ್ಲ ಆಡಳಿತ ಮಂಡಳಿ, ಸಹಕಾರಿ ಸಂಘ, ಬ್ಯಾಂಕ್ ಸಿಬ್ಬಂದಿ, ಸಂಬಂಧಿಸಿದವರಿಗೆ ರಾಜ್ಯ ವ್ಯವಸ್ಥಾಪಕ ಮಂಡಳಿಯು ದಾವೆ ಮತ್ತು ಇ.ಪಿ. ದಾಖಲಿಸಲು ಸೂಚಿಸಿದೆ. ಬ್ಯಾಂಕ್ಗಳಲ್ಲಿ ವ್ಯವಹಾರ ಮಾಡುವ ರೈತರ ನಡುವೆ ಶಿಸ್ತುಬದ್ಧ ವ್ಯವಹಾರ ನಡೆದಲ್ಲಿ ಅನುಕೂಲವಾಗಲಿದೆ ಎಂದರು.
