ಶಾಸಕರ ಬಾಯಿ ಮುಚ್ಚಿಸಲಿ ಹೇಮಾವತಿ ಎಕ್ಸ್ಪ್ರೆಸ್ ಕಾಮಗಾರಿ ಆರಂಭದ ವೇಳೆ ಬೋಗಸ್ ಕಾಮಗಾರಿ, ಡಿ.ಕೆ.ಸುರೇಶ್ ದುಡ್ಡು ಹೊಡೆಯಲು ಮಾಡಿರುವ ಕಾಮಗಾರಿ, ಎಕ್ಸ್ಪ್ರೆಸ್ ಕೆನಾಲ್ ಅಗತ್ಯವಿಲ್ಲ ಎಂದಿದ್ದರು. ಈಗ ನಾನೇ ನೂತನ ಸಂಸದರ ನೇತೃತ್ವದಲ್ಲಿ ಸಿಎಂ, ಡಿಸಿಎಂ ಬಳಿ ಕರೆದೊಯ್ದು ತಾಲೂಕಿಗೆ ನೀರು ಹರಿಸುವುದಾಗಿ ಮಾಜಿ ಶಾಸಕರು ಹೇಳಿದ್ದಾರೆ. ಸಿಎಂ, ಡಿಸಿಎಂ ರಿಂದ ಈಗಾಗಲೇ ಡಿ.ಕೆ.ಸುರೇಶ್ ಅವರು ಕೆನಾಲ್ಗೆ ಮಂಜೂರಾತಿ ಕೊಡಿಸಿ ಟೆಂಡರ್ ಮುಗಿದು ಕೆಲಸ ಪ್ರಾರಂಭವಾಗಿದೆ. ಮಾಜಿ ಸಿಎಂ ಎಚ್.ಡಿ.ಕುಮಾರಸ್ವಾಮಿ ಅವರಿಂದ ತುರುವೇಕೆರೆ ಶಾಸಕರನ್ನು, ನೂತನ ಸಂಸದರಿಂದ ಸುರೇಶ್ಗೌಡ, ಸೊಗಡು ಶಿವಣ್ಣ ಅವರ ಬಾಯಿ ಮುಚ್ಚಿಸಿ ಕಾಮಗಾರಿಗೆ ಸಹಕರಿಸಲಿ ಎಂದು ಮಾಜಿ ಶಾಸಕ ಎ.ಮಂಜುನಾಥ್ಗೆ ಟಾಂಗ್ ನೀಡಿದರು. ಪುರಸಭಾ ಸದಸ್ಯರಾದ ರಂಗಹನುಮಯ್ಯ, ಮಾಜಿ ಸದಸ್ಯ ಚಂದ್ರಶೇಖರ್, ಗ್ರಾಪಂ ಅಧ್ಯಕ್ಷ ಮಲ್ಲಿಕಾರ್ಜುನ್, ತಾಪಂ ಮಾಜಿ ಸದಸ್ಯೆ ಸುಮಾ ರಮೇಶ್ ಇತರರು ಇದ್ದರು.
