ಕಲಬುರಗಿ: ನಗರದ ಮಹಾವೀರ ನಗರದ ನಿವಾಸಿಗಳಾಗಿದ್ದ ಲೋಕೋಪಯೋಗಿ ಇಲಾಖೆಯ ನಿವೃತ್ತ ಎಇಇ ರಾಮಶೆಟ್ಟಿ ಮಂಗಲಗಿ (೮೦) ಶನಿವಾರ ನಿಧನ ಹೊಂದಿದರು. ಪತ್ನಿ, ಪುತ್ರ ಖ್ಯಾತ ದಂತ ವೈದ್ಯ ಡಾ.ಆನಂದ ಮಂಗಲಗಿ, ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ. ಕಲಬುರಗಿಯ ಮಹಾವೀರ ನಗರದ ಸ್ವಗೃಹದಲ್ಲಿ ಭಾನುವಾರ ಬೆಳಗ್ಗೆ ೮-೩೦ ಗಂಟೆಯವರೆಗೂ ಸಾರ್ವಜನಿಕರ ಅಂತಿಮ ದರ್ಶನಕ್ಕೆ ಪಾರ್ಥಿವ ಶರೀರ ಇರಿಸಲಾಗುವುದು. ನಂತರ ಸೇಡಂಗೆ ತೆಗೆದುಕೊಂಡು ಹೋಗಿ ಸಾರ್ವಜನಿಕ ದರ್ಶನ ಬಳಿಕ ಸ್ವಂತ ಜಮೀನಿನಲ್ಲಿ ಭಾನುವಾರ ಮಧ್ಯಾಹ್ನ ೨ ಕ್ಕೆ ಅಂತ್ಯಕ್ರಿಯೆ ನಡೆಯಲಿದೆ.
ಶೋಕ : ರಾಮಶೆಟ್ಟಿ ಮಂಗಲಗಿ ಅವರ ನಿಧನಕ್ಕೆ ಮೋಹನರಾಜ ಚಾರಿಟೇಬಲ್ ಆಸ್ಪತ್ರೆಯ ಮುಖ್ಯಸ್ಥ ಡಾ.ದೇವಾನಂದ ಬಿರಾದಾರ, ಡಾ.ನಿವೇದಿತಾ ಬಿರಾದಾರ, ಡಾ.ವಿಠ್ಠಲ್ ಪೂಜಾರಿ,ಡಾ.ರೋಹಿತ ಪಾಟೀಲ್, ಸಹಾಯಕ ನಿರ್ದೇಶಕ ಸುನೀಲ್ ಎಲ್.ತಟ್ಟೆಪಳ್ಳಿ, ಪತ್ರಕರ್ತರಾದ ಶರಣಯ್ಯ ಹಿರೇಮಠ,ಹಣಮಂತರಾವ ಭೈರಾಮಡಗಿ,ಅರುಣಕುಮಾರ ಕದಂ ಇತರರು ಶೋಕ ವ್ಯಕ್ತಪಡಿಸಿದ್ದಾರೆ.
