ಇಲಾಖೆಗಳ ಜಟಾಪಟಿ: ಈ ಸಮಸ್ಯೆ ಉಂಟಾಗಲು ಬೆಸ್ಕಾಂ ಮತ್ತು ಪಿಡಬ್ಲೂಡಿ ಇಲಾಖೆಗಳ ನಡುವಿನ ಜಟಾಪಟಿಯೇ ಕಾರಣವಾಗಿದೆ. ರಸ್ತೆ ನಿರ್ಮಾಣಕ್ಕೂ ಮುನ್ನವೇ ಹಾಕಲಾಗಿರುವ ವಿದ್ಯುತ್ ಲೈನ್ ಅನ್ನು ಸ್ಥಳಾಂತರ ಮಾಡಿಕೊಡುವಂತೆ ಲೊಕೋಪಯೋಗಿ ಇಲಾಖೆ, ಬೆಸ್ಕಾಂಗೆ ಮನವಿ ಮಾಡಿದೆ. ಈ ರಸ್ತೆಯಲ್ಲಿ ಒಂದು ಟಿಸಿ ಸೇರಿದಂತೆ 10ಕ್ಕೂ ಹೆಚ್ಚು ಕಂಬಗಳಿದ್ದು, ಇವುಗಳ ಸ್ಥಳಾಂತರಕ್ಕೆ ಶುಲ್ಕ ಪಾವತಿ ಮಾಡಬೇಕು ಎನ್ನುವ ಸೂಚನೆಯನ್ನು ಬೆಸ್ಕಾಂ ನೀಡಿದೆ. ಶುಲ್ಕ ಪಾವತಿ ವಿಚಾರದಲ್ಲಿ ಉಂಟಾದ ಸಮಸ್ಯೆ ಪರಿಹಾರ ಕಾಣಲೇ ಇಲ್ಲ. ಇದರಿಂದ ನಿಗದಿತ ಅವಧಿಯಲ್ಲಿ ಕೆಲಸ ಮುಗಿಸಬೇಕು ಎನ್ನುವ ದಾವಂತದಲ್ಲಿ ಇದ್ದ ಗುತ್ತಿಗೆದಾರ ಜಿ.ಎಚ್.ನಾಗರಾಜು, ವಿದ್ಯುತ್ ಕಂಬ ಇರುವಾಗಲೇ ಸುತ್ತ ಒಂದಿಷ್ಟು ಜಾಗವನ್ನು ಬಿಟ್ಟು ಕಾಂಕ್ರೀಟ್ ರಸ್ತೆ ನಿರ್ಮಿಸಿದ್ದಾರೆ.
