ಮಳೆಗೆ ಕುಸಿದ ಕಾಂಪೌಂಡ್​

ಕೈಲಾಂಚ: ಬುಧವಾರ ರಾತ್ರಿ ಸುರಿದ ಮಳೆಗೆ ಕೈಲಾಂಚ ಹೋಬಳಿಯ ಬನ್ನಿಕುಪ್ಪೆ ಕೆಂಗಲ್​ ಆಂಜನೇಯ ಗ್ರಾಮಾಂತರ ಪ್ರೌಢಶಾಲೆ ಆವರಣದ ಕಾಂಪೌಂಡ್​ ಕುಸಿದಿದೆ. ಏಪ್ರಿಲ್​ ಮೊದಲ ಅಥವಾ ಕೊನೆಯ ವಾರದಲ್ಲಿ ಮುಂಗಾರುಪೂರ್ವ ಮಳೆ ಆಗಬೇಕಿತ್ತು. ಆದರೆ, ಈ ಬಾರಿ ಮೇ ಮೊದಲ ವಾರದಲ್ಲಿ ಸುರಿದಿದೆ.

ಮಂಗಳವಾರ ಕಡಿಮೆ ಪ್ರಮಾಣದಲ್ಲಿ ಮಳೆಯಾಗಿತ್ತು. ಬುಧವಾರ ರಾತ್ರಿ ಹೆಚ್ಚಿನ ಮಳೆಯಾದ ಕಾರಣ ಚರಂಡಿಯಲ್ಲಿ ಮೇಲಿನಿಂದ ನೀರು ಬಂದ ಕಾರಣ ಶಾಲಾ ಆವರಣಕ್ಕೆ ನೀರು ನುಗ್ಗಿದ್ದು, ಹೊರಹೋಗಲು ಸಾಧ್ಯವಾಗದೆ, ನೀರಿನ ತೀವ್ರತೆಗೆ ಕಾಂಪೌಂಡ್​ ನೆಲಕಚ್ಚಿದೆ.

ಇತ್ತೀಚೆಗೆ ಕಟ್ಟಿದ್ದ ಕಾಂಪೌಂಡ್​ ಎನ್ನಲಾಗಿದೆ. ಶಾಲಾ ಆವರಣದ ಕೆಳಭಾಗದಲ್ಲಿರುವ ಕಾರಣ ಗ್ರಾಮದ ಮೇಲ್ಭಾಗದಲ್ಲಿನ ಚರಂಡಿ ನೀರು 3&4 ಕಡೆಗಳಿಂದ ಬರುತ್ತದೆ. ಚರಂಡಿ ಚಿಕ್ಕದಾಗಿರುವ ಕಾರಣ, ಶಾಲಾ ಆವರಣದಿಂದ ನೀರು ನುಗ್ಗಿ ಹೊರ ಹೋಗಲು ಸಾಧ್ಯವಾಗದೆ ಕಾಂಪೌಂಡ್​ ಮೇಲೆ ಒತ್ತಡ ಹೆಚ್ಚಾಗಿ ಕುಸಿದಿದೆ ಎನ್ನಲಾಗಿದೆ.