ನಿಖಿಲ್ ಕುಮಾರಸ್ವಾಮಿ ಅವರು 6ನೇ ಸುತ್ತಿನ ಮತ ಎಣಿಕೆವರೆಗೂ 2077 ಮತಗಳ ಅಂತರ ಕಾಯ್ದುಕೊಂಡೇ ಬಂದಿದ್ದರು. ಆದರೆ, 7ನೇ ಸುತ್ತಿನ ಮತ ಎಣಿಕೆ ಆರಂಭಗೊಂಡ ನಂತರ ಇದು ಸಂಪೂರ್ಣ ವಿಫಲವಾಗಿ 10ನೇ ಸುತ್ತಿನ ಮತ ಎಣಿಕೆ ವೇಳೆಗೆ ಅಂತರವನ್ನು 15 ಸಾವಿರ ಮತಗಳ ಸಮೀಪಕ್ಕೆ ತಂದು ನಿಲ್ಲಿಸಿತು. ಇದರಲ್ಲಿ ಮುಸ್ಲಿಂ ಮತಗಳ ಪಾಲು ಹೆಚ್ಚಿದೆ ಎಂದರೆ ತಪ್ಪಾಗಲಾದರು. ಕಳೆದ ಬಾರಿ ಇದೇ ಪರಿಸ್ಥಿತಿ ನಿರ್ಮಾಣವಾಗಿದ್ದರೂ, ಕೈಲಾಂಚ, ಹಾರೋಹಳ್ಳಿ, ಮರಳವಾಡಿ ಹೋಬಳಿಗಳು ಜೆಡಿಎಸ್ ಕೈ ಹಿಡಿದಿದ್ದವು. ಆದರೆ ಈ ಬಾರಿ ಇದು ಸಂಪೂರ್ಣ ಉಲ್ಟಾ ಆಗಿ, ಈ ಮೂರು ಹೋಬಳಿಗಳಿಂದ ಬಂದ ಅಲ್ಪ ಮುನ್ನಡೆ ಇಕ್ಬಾಲ್ ಅವರ ಮುನ್ನಡೆಯನ್ನು ತಗ್ಗಿಸಿದ್ದು ಬಿಟ್ಟರೆ ಗೆಲುವು ಕಸಿಯಲು ಸಾಧ್ಯವಾಗಲಿಲ್ಲ.
