ಸಾಧಕರನ್ನು ಗೌರವಿಸುವುದು ಸ್ಪೂರ್ತಿದಾಯಕ

ರಾಮನಗರ: 

ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸಾಧಕರನ್ನು ಬಿಬಿಎಂಪಿ ವಿರೋಧ ಪಕ್ಷದ ಮಾಜಿ ನಾಯಕ ಎ.ಎಚ್​.ಬಸವರಾಜು ಅವರು ಸನ್ಮಾನಿಸಿದರು.

ಇತ್ತೀಚಿಗೆ ಮಾಗಡಿ ತಾಲೂಕಿನ ದೊಡ್ಡಯ್ಯನಪಾಳ್ಯದ ಫಾಮ್​ರ್ಹೌಸ್​ನಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ರಾಷ್ಟ್ರಮಟ್ಟದ ಪಂಜ, ಕುಸ್ತಿ ಕ್ರೀಡೆಯಲ್ಲಿ ಪ್ರಥಮ ಪ್ರಶಸ್ತಿ ವಿಜೇತರಾದ ತಿರುಮಲೆ ಕೃಷ್ಣಪ್ಪ, ರಾಮನಗರ ರತ್ನ ಪ್ರಶಸ್ತಿ ಪುರಸತ ಪತ್ರಕರ್ತ ದೊಡ್ಡಬಾಣಗೆರೆ ಮಾರಣ್ಣ ಹಾಗೂ ಪ್ರತಿಭಾನ್ವಿತ ವಿದ್ಯಾರ್ಥಿನಿ ರಚಿತಾ ತಟ್ವಾಳ್​ ಇವರಿಗೆ ಲ್ಯಾಪ್​ ಟಾಪ್​ ಕೊಡುವುದರ ಮೂಲಕ ಸನ್ಮಾನಿಸಿದರು.

ಈ ವೇಳೆ ಸಾಧಕರನ್ನು ಗುರುತಿಸಿ, ಗೌರವಿಸಿದಾಗ ಮತ್ತಷ್ಟು ಜನರಿಗೆ ಸ್ಪೂರ್ತಿ ದೊರೆಯುತ್ತದೆ. ಇದರಿಂದ ಉತ್ತಮ ಸಮಾಜ ನಿರ್ಮಾಣ ಸಾಧ್ಯವಾಗಲಿದೆ ಎಂದು ಬಸವರಾಜು ಅಭಿಪ್ರಾಯಪಟ್ಟರು.

ಯುವಕವಿ ತೋಟದ ಮನೆ ಗಿರೀಶ್​, ಪುರಸಭೆ ಮಾಜಿ ಅಧ್ಯೆ ಭಾಗ್ಯಮ್ಮ, ಸದಸ್ಯರಾದ ಹೊಸಪೇಟೆ ಅಶ್ವತ್ಥ್​, ಎಂ.ಆರ್​.ರಾಘವೇಂದ್ರ, ಕಿರಣ್​ ಕೆ.ಆರ್​.ಕೆಂಚನಹಳ್ಳಿ, ಕೆಂಪಣ್ಣ, ಮೂರ್ತಿ, ಜಗದೀಶ್​, ಐಯಂಡಳ್ಳಿ ಕುಮಾರ್​, ಗ್ರಾಪಂ ಸದಸ್ಯರಾದ ರಂಗನಾಥ್​, ತಿರುಮಲೆ ಬಸವರಾಜ್​, ಮಾರಪ್ಪ, ಕುದೂರು ರಾಮ್​ ಪ್ರಸಾದ್​, ಆನಂದ್​, ತಟ್ವಾಳ್​ ಉಮೇಶ್​, ಪಟೇಲಪ್ಪನವರು, ಗೊಲ್ಲರಟ್ಟಿ ಪೂಜಾರಪ್ಪ, ಬಿಡದಿಯ ರಂಗಸ್ವಾಮಿ ಮುಂತಾದವರು ಇದ್ದರು.