ಕನಕಪುರದಲ್ಲಿ ಚಿರತೆ ಸೆರೆ

ಕನಕಪುರ: ತಾಲೂಕಿನ ಸಾತನೂರು ಹೋಬಳಿ ಹೊನ್ನಿಗನಹಳ್ಳಿ ಬಳಿ ಚಿರತೆಗಳ ಹಾವಳಿ ಕಂಡು ಬಂದ ಹಿನ್ನಲೆಯಲ್ಲಿ ಅದರ ಸೆರೆಗೆ ಗ್ರಾಮದ ಸಮೀಪ ಕರಿಕಲ್ಲು ಗಣಿಗಾರಿಕೆಯ ಬಳಿ ಅರಣ್ಯ ಇಲಾಖೆ ಇಟ್ಟಿದ್ದ ಬೋನಿಗೆ 2 ವರ್ಷದ ಹೆಣ್ಣು ಚಿರತೆಯೊಂದು ಸೆರೆ ಸಿಕ್ಕಿದೆ.

ಇತ್ತೀಚೆಗೆ ಕಾಡಾನೆ ಹಾವಳಿ ಜೊತೆಗೆ ಚಿರತೆ ಹಾವಳಿ ಹೆಚ್ಚಾಗಿದೆ ಎಂದು ಸುತ್ತಮುತ್ತಲಿನ ಗ್ರಾಮಸ್ಥರು ಆತಂಕ ವ್ಯಕ್ತಪಡಿಸಿದ್ದರು. ಚಿರತೆ ಹಾವಳಿ ತಪ್ಪಿಸಿ ಅವುಗಳನ್ನು ಸೆರೆ ಹಿಡಿಯಲು ಗ್ರಾಮದ 2 ಕಡೆ ಬೋನುಗಳನ್ನು ಅಳವಡಿಸಿದ್ದರು. ಶನಿವಾರ ಮಧ್ಯಾಹ್ನ ಕರಿಕಲ್ಲು ಗಣಿಗಾರಿಕೆ ಬಳಿ ಇರಿಸಿದ್ಇದ ಬೋನಿಗೆ ಚೆರತೆ ಸೆರೆ ಸಿಕ್ಕಿದೆ.

ಸಾತನೂರು ವಲಯ ಅರಣ್ಯ ಅಧಿಕಾರಿ ಆಶಾ ಮಾತನಾಡಿ ಚಿರತೆಯನ್ನು ಸುರಕ್ಷಿತವಾಗಿ ವನ್ಯ ಜೀವಿ ಕಾಯ್ದೆಯಡಿ ಕಾಡಿಗೆ ಬಿಡಲಾಗುವುದು ಎಂದು ಉಪವಲಯ ಅರಣ್ಯಾಧಿಕಾರಿ ಗಣೇಶ್​. ಸಿಬ್ಬಂದಿ  ಕೃಷ್ಣ, ರಿಜ್ವಾನ್​, ಕಾಂತರಾಜು ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದರು.