ಹೆದ್ದಾರಿ ಪ್ರಯಾಣಿಕರನ್ನು ಸುಲಿಗೆ ಮಾಡುತ್ತಿದ್ದವರು ಅರೆಸ್ಟ್ ಚನ್ನಪಟ್ಟಣ ಪೊಲೀಸರಿಂದ ಆರೋಪಿಗಳ ಅಂಧರ್

ಕಳೆದ ಕೆಲದಿನಗಳಿಂದ ನೂತನ ದಶಪಥ ಹೆದ್ದಾರಿಯಲ್ಲಿ ನಿಲುಗಡೆಯಾಗುವ ವಾಹನಗಳನ್ನು‌ ಗುರಿಯಾಗಿಸಿಕೊಂಡು ಪ್ರಯಾಣಿಕರನ್ನು  ದರೋಡೆ ಮಾಡುತ್ತಿದ್ದ ಆರೋಪಿಗಳ ಹೆಡೆಮುರಿ ಕಟ್ಟುವಲ್ಲಿ ಚನ್ನಪಟ್ಟಣ ಗ್ರಾಮಾಂತರ ಪೊಲೀಸರು ಯಶಸ್ವಿ ಆಗಿದ್ದಾರೆ. 

 ಮಾ.12 ರಂದು ಹೆದ್ದಾರಿಯ ತಿಟ್ಟಮಾರನಹಳ್ಳಿ ಗ್ರಾಮದ ಸಮೀಪ ಕೆಟ್ಟು ನಿಂತಿದ್ದ ಕಾರಿನಲ್ಲಿದ್ದ ದಂಪತಿಯನ್ನು ಮಾರಾಕಾಸ್ತ್ರ ತೋರಿಸಿ ಬೆದರಿಸಿ ಹಣ ಮತ್ತು ಚಿನ್ನಾಭರಣ ದೋಚಲಾಗಿತ್ತು. ಇದೇ ರೀತಿ ಮತ್ತೊಂದು ಪ್ರಕರಣ ಮಾರ್ಚ್ ಮೊದಲ ವಾರದಲ್ಲಿ ನಡೆದಿತ್ತು.

ನೂತನ ಹೆದ್ದಾರಿಯಲ್ಲಿ ನಿರಂತರವಾಗಿ ನಡೆಯುತ್ತಿದ್ದ ದರೋಡೆ ಪ್ರಕರಣಗಳು ಪೊಲೀಸ್ ಇಲಾಖೆಗೆ ಸಾಕಷ್ಟು ತಲೆಬಿಸಿಯಾಗಿತ್ತು. ದರೋಡೆಕೋರರನ್ನು ಪತ್ತೆಹಚ್ಚಲು ವಿಶೇಷ ತಂಡವನ್ನು ಸಹ ರಚಿಸಲಾಗಿತ್ತು. ಇದೀಗ, ಹೆದ್ದಾರಿ ದರೋಡೆ ಪ್ರಕರಣದಲ್ಲಿ ಭಾಗಿಯಾಗಿದ್ದ ಐದು ಮಂದಿ ಹೈನಾತಿ ಕಳ್ಳರನ್ನು ಪೊಲೀಸರು ಬಂಧಿಸಿದ್ದು, ಬಂಧಿತ ಆರೋಪಿಗಳನ್ನು ಸ್ಥಳೀಯ ನ್ಯಾಯಾಲಯಕ್ಕೆ ಹಾಜರು ಪಡಿಸಿ, ಹೆಚ್ಚಿನ ವಿಚಾರಣೆಗಾಗಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ‌.

ಬಂಧಿತರು ಹಲವು ದರೋಡೆ ಪ್ರಕರಣಗಳಲ್ಲಿ ಭಾಗಿಯಾಗಿರುವ ಶಂಕೆ ಇರುವ ಹಿನ್ನೆಲೆಯಲ್ಲಿ ಪೊಲೀಸರು ಬಂಧಿತರನ್ನು ತೀವ್ರ ವಿಚಾರಣೆಗೆ ಒಳಪಡಿಸಿದ್ದಾರೆ. ಬಂಧಿತರ ವಿಚಾರಣೆ ನಡೆಯುತ್ತಿರುವ ಕಾರಣ ಆರೋಪಿಗಳ ಮಾಹಿತಿಯನ್ನು ಇಲಾಖೆ ಅಧಿಕೃತವಾಗಿ ಬಹಿರಂಗಪಡಿಸಿಲ್ಲ. 

ಚನ್ನಪಟ್ಟಣ  ಗ್ರಾಮಾಂತರ ಪೊಲೀಸರು ಬಂಧಿಸಿರುವ ಬಂಧಿಸಿರುವ ಐವರು  ದರೋಡೆಕೋರರು ಚನ್ನಪಟ್ಟಣ ನಗರದವರಾಗಿದ್ದು, ಈ ತಂಡ ಹೆದ್ದಾರಿ ಬದಿಯಲ್ಲಿ ವಿವಿಧ ಕಾರಣಕ್ಕೆ ನಿಲುಗಡೆಯಾಗುತ್ತಿದ್ದ ವಾಹನಗಳನ್ನು ಟಾರ್ಗೆಟ್ ಮಾಡಿ ದೋಚುತ್ತಿದ್ದರು. ವಿಶೇಷವಾಗಿ ಹೊರ ರಾಜ್ಯದ ಸರಕು ಸಾಕಾಣಿಕೆ ವಾಹನಗಳನ್ನು ಟಾರ್ಗೆಟ್ ‌ಮಾಡಿ ಮೊಬೈಲ್ ಸೇರಿದಂತೆ ಇನ್ನಿತರ ವಸ್ತುಗಳನ್ನು ದೋಚುತ್ತಿದ್ದರು ಎನ್ನಲಾಗಿದೆ.

ಹೊರ ರಾಜ್ಯದ ಸರಕು ವಾಹನಗಳಾದರೆ, ಪೊಲೀಸರಿಗೆ ದೂರು ನೀಡದೆ ಹೋಗುತ್ತಾರೆ ಎಂಬುದು ನಂಬಿಕೆಯೊಂದಿಗೆ ಹೆಚ್ಚು ಇಂತಹಾ ವಾಹನಗಳ‌ ಮೇಲೆ ಕಣ್ಣು ಇಡುತ್ತಿದ್ದರು ಎನ್ನಲಾಗಿದೆ. ಪೊಲೀಸರು ಬಂಧಿಸಿರುವ ಆರೋಪಿಗಳು, ಹೆದ್ದಾರಿಯಲ್ಲಿ ನಡೆದಿರುವ ಹಲವು ಸುಲಿಗೆ ಪ್ರಕರಣದಲ್ಲಿ ಭಾಗಿಯಾಗಿರುವ ಬಗ್ಗೆ ಮಾಹಿತಿ ದೊರಕಿದ್ದು,  ಹೆದ್ದಾರಿಯ ನಿರ್ಜನ ಪ್ರದೇಶದಲ್ಲಿ ನಿಂತಿರುವ ವಾಹನಗಳನ್ನು ಅಡ್ಡಗಟ್ಟಿ ಕೃತ್ಯ ಎಸಗುತ್ತಿದ್ದು, ಪೊಲೀಸರ ವಿಚಾರಣೆಯಿಂದ ಹೆಚ್ಚಿನ ಮಾಹಿತಿ ಹೊರಬೀಳಬೇಕಿದೆ.

ಆರೋಪಗಳ ಬಂದನ ಸಾಧ್ಯವಾಗಿದ್ದು, ದರೋಡೆಗೆ ಒಳಗಾಗಿದವರು ನೀಡಿದ ಮಾಹಿತಿ‌ ಮೇರೆಗೆ ಎನ್ನುವುದು ವಿಶೇಷ. ಇತ್ತೀಚಿಗೆ ದಂಪತಿಗಳಿಗೆ ಮಾರಾಕಾಸ್ತ್ರ ದಿಂದ ಬೆದರಿಸಿ ಹಣ ಹಾಗೂ ಚಿನ್ನಾಭರಣ ದೋಚಲಾಗಿತ್ತು. ದಂಪತಿಗಳ ದೂರು ಸ್ವೀಕರಿಸಿದ ಪೊಲೀಸರು, ದಂಪತಿಗಳಿಂದ ಕೆಲ ಮಾಹಿತಿ ಕಲೆಹಾಕಿದ್ದರು. ದೂರುದಾರರೊಂದಿಗೆ ಸಂಪರ್ಕದಲ್ಲಿದ್ದ ಪೊಲೀಸರು ಗುಮಾನಿಯಿದ್ದ ಕೆಲ ದರೋಡೆಕೋರರ ಭಾವಚಿತ್ರಗಳನ್ನು ದೂರುದಾರರಿಗೆ ರವಾನಿಸಿದ್ದರು. ಈ ಪೈಕಿ ಒರ್ವ ದರೋಡೆಕೋರನನ್ನು ದೂರುದಾರರು ಗುರುತು ಪತ್ತೆಹಚ್ಚಿದ್ದರು. ಕತ್ತಿನ ಬಳಿ ಡ್ಯಾಗ್ರನ್ ಆಯುಧವಿಟ್ಟು ಬೆದರಿಸಿದ ದರೋಡೆಕೋರನ ಮುಖಚರೆ ಕಣ್ಣಿನಲ್ಲಿ ಕಟ್ಟಿಕೊಂಡಿದ್ದ ಕಾರಣ ದರೋಡೆಕೋರರನ್ನು ಗುರುತಿಸಲು ಸಹಕಾರವಾಗಿದೆ ಎನ್ನಬಹುದು.