ರಾತ್ರಿ ವೇಳೆ ಕಾರ್ಯಾಚರಣೆ: ಕಾರ್ಖಾನೆಯು ಹಗಲಿನ ವೇಳೆ ಕಾರ್ಯನಿರ್ವಹಿಸಿದರೆ ಜಗಜ್ಜಾಹೀರಾಗಲಿದೆ ಎಂಬುದನ್ನು ಅರಿತಿದ್ದ ದಂಧೆಕೋರರು, ರಾತ್ರಿ ವೇಳೆ ಕಾರ್ಯಾಚರಣೆ ನಡೆಸುತ್ತಿದ್ದು, ಕರ್ಕಶ ಶಬ್ದ ಕೇಳಿ ಬರುತ್ತಿತ್ತು. ಸ್ಥಳೀಯರೊಬ್ಬರು ಜಿಲ್ಲಾ ಪರಿಸರ ಅಧಿಕಾರಿ ಮಂಜುನಾಥ್ ಅವರಿಗೆ ಮಾಹಿತಿ ನೀಡಿದ ಹಿನ್ನೆಲೆಯಲ್ಲಿ ದಾಳಿ ನಡೆಸಿದ ಅಧಿಕಾರಿಗಳು ಕಾರ್ಖಾನೆ ಬಂದ್ ಮಾಡಿದ್ದಾರೆ.
ರಾಜಕಾರಣಿಗಳ ಕೃಪಾಕಟಾಕ್ಷ: ಕಾರ್ಖಾನೆಗೆ ರಾಜಕಾರಣಿಗಳ ಕೃಪಾಕಟಾಕ್ಷ ಇದ್ದು, ಏನೇ ತೊಂದರೆ ಬಂದರೂ ನಾನು ನೋಡಿಕೊಳ್ಳುತ್ತೇನೆ ಎಂದು ರಾಜಕೀಯ ಪುಡಾರಿಗಳು ಅಭಯ ನೀಡಿದ್ದ ಹಿನ್ನೆಲೆಯಲ್ಲಿ ಕಾರ್ಖಾನೆಯನ್ನು ಯಾರ ಭಯವೂ ಇಲ್ಲದೆ ನಡೆಸುತ್ತಿದ್ದರು ಎಂಬ ಆರೋಪ ಕೇಳಿ ಬಂದಿದೆ.
