ಭಯದ ತಾಣವಾದ ಬಿಡದಿ ಸ್ಕೈ ವಾಕ್

• ವಿದ್ಯುತ್​ ದೀಪ ಕೆಟ್ಟು ತಿಂಗಳುಗಳೇ ಕಳೆದರೂ ದುರಸ್ತಿ ಮಾಡದ ಅಧಿಕಾರಿಗಳು

ಬಿಡದಿ
ಬೆಂಗಳೂರು&ಮೈಸೂರು ಹೆದ್ದಾರಿಯಲ್ಲಿ ಪ್ರಯಾಣಿಕರು ರಸ್ತೆ ದಾಟಲು ನಿರ್ಮಾಣ ಮಾಡಿರುವ ಸ್ಕೈ ವಾಕ್ ​ನಲ್ಲಿ ಅಳವಡಿಸಿರುವ ವಿದ್ಯುತ್​ ದೀಪ ಕೆಟ್ಟು ತಿಂಗಳುಗಳೇ ಕಳೆದರು ಸಂಬಂಧಿಸಿದ ಅಧಿಕಾರಿಗಳು ದುರಸ್ತಿ ಮಾಡದೆ ಕಾಲಹರಣ ಮಾಡುತ್ತಿದ್ದಾರೆ.

ಪಟ್ಟಣದ ಹೃದಯ ಭಾಗದಲ್ಲಿ ಹೆದ್ದಾರಿ ಹಾದು ಹೋಗುತ್ತಿದ್ದು, ಒಂದು ಕಡೆಯಿಂದ ಮತ್ತೊಂದು ಕಡೆಗೆ ಸಾರ್ವಜನಿಕರು ರಸ್ತೆ ದಾಟಲು ಅನುಕೂಲವಾಗಲಿ ಎಂದು ಸ್ಕೈ ವಾಕ್​ ನಿರ್ಮಾಣ ಮಾಡಲಾಗಿತ್ತು. ರಾತ್ರಿ ಸಾರ್ವಜನಿಕರಿಗೆ ತೊಂದರೆ ಆಗದಂತೆ ವಿದ್ಯುತ್​ ದೀಪಗಳನ್ನು ಅಳವಡಿಸಲಾಗಿತ್ತು. ಆದರೆ ಇದೀಗ ಆ ಲೈಟ್​ ಕೆಟ್ಟಿದ್ದು ರಾತ್ರಿ ಸ್ಕೆ$ ವಾಕರ್​ನಲ್ಲಿ ದಾಟಲು ಸಮಸ್ಯೆಯಾಗುತ್ತಿದೆ.

ಬೆಂಗಳೂರುನಿಂದ ಬರುವ ಮಂದಿ ಪಟ್ಟಣದ ಕಡೆಗೆ ಹಾಗೂ ಬಿಎಂಟಿಸಿ ಬಸ್​ ನಿಲ್ದಾಣಕ್ಕೆ ತೆರಳಲು ಸ್ಕೈ ವಾಕ್ ಬಳಸುತ್ತಾರೆ. ಅದರಲ್ಲಿ ರಾತ್ರಿ ಬೆಂಗಳೂರುನಿಂದ ಕೆಲಸ ಮುಗಿಸಿ ಬರುವ ಜನರು ಮೇಲ್​ ಸೇತುವೆ ಬಳಸುತ್ತಾರೆ. ಅಲ್ಲಿ ವಿದ್ಯುತ್​ ಸಂಪರ್ಕ ಇಲ್ಲದೆ, ಮೊಬೈಲ್​ ಟಾರ್ಚ್​ ಬಳಸಿ ದಾಟಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.

ಈ ಬಗ್ಗೆ ಪುರಸಭೆ ಅಧಿಕಾರಿಗಳನ್ನು ಪ್ರಶ್ನಿಸಿದರೆ, ಇದು ನಮಗೆ ಬರುವುದಿಲ್ಲ. ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದಿಂದ ಮೇಲ್​ ಸೇತುವೆ ನಿರ್ಮಾಣ ಮಾಡಲಾಗಿದೆ. ಹಾಗಾಗಿ ಇದರ ನಿರ್ವಹಣೆಯನ್ನು ಅವರೆ ಮಾಡಬೇಕೆಂಬ ಮಾತುಗಳು ಕೇಳಿ ಬಂದಿವೆ.

ಅನೈತಿಕ ಚಟುವಟಿಕೆಗಳ ತಾಣ: ಸ್ಕೈ ವಾಕ್​ನಲ್ಲಿ ವಿದ್ಯುತ್​ ಸಂಪರ್ಕ ಇಲ್ಲದ ಕಾರಣ ಈ ಜಾಗ ಅನೈತಿಕ ಚಟುವಟಿಕೆಗಳ ತಾಣವಾಗಿದೆ. ಮದ್ಯಪಾನ ಮಾಡುವುದು ಸೇರಿ ವಿವಿಧ ರೀತಿಯ ಚಟುವಟಿಕೆಗಳು ನಡೆಯುತ್ತಿವೆ. ರಾತ್ರಿ ವೇಳೆ ಮಹಿಳೆಯರು ದಾಟಲು ಇದರಿಂದ ತೊಂದರೆಯಾಗುತ್ತಿದೆ.

ಸಾರ್ವಜನಿಕರ ಅನುಕೂಲಕ್ಕೆ ಎಂದು ಹೆದ್ದಾರಿಯಲ್ಲಿ ಮೇಲ್​ ಸೇತುವೆ ನಿರ್ಮಾಣ ಮಾಡಲಾಗಿದೆ. ಆದರೆ ಇದರ ನಿರ್ವಹಣೆ ಯಾರು ಮಾಡುತ್ತಿಲ್ಲ. ರಾತ್ರಿ ವೇಳೆ ನಡೆದುಕೊಂಡು ಹೋಗಲು ಸೂಕ್ತ ಲೈಟ್​ ವ್ಯವಸ್ಥೆ ಇಲ್ಲ. ಇದನ್ನು ನಿರ್ವಹಣೆ ಮಾಡಬೇಕಾದ ಹೆದ್ದಾರಿ ಪ್ರಾಧಿಕಾರ ಕೈ ಚಲ್ಲಿ ಕುಳಿತಿದೆ. ಪುರಸಭೆ ಅಧಿಕಾರಿಗಳು ಇತ್ತ ಗಮನ ಕೊಟ್ಟು ಲೈಟ್​ ವ್ಯವಸ್ಥೆ ಮಾಡಲಿ.
 ಮುತ್ತಣ್ಣ, ಸಾಮಾಜಿಕ ಹೋರಾಟಗಾರ, ಬಿಡದಿ