ಅಯೋಧ್ಯೆಯಲ್ಲಿ ರಾಮಲಲ್ಲಾ ಮೂರ್ತಿ ಪ್ರತಿಷ್ಠಾಪನೆ ನಿಮಿತ್ತ ಜ.22 ರಂದು ಜಿಲ್ಲೆಯ ವಿವಿಧೆಡೆ ದೇವಸ್ಥಾನಗಳಲ್ಲಿ ವಿಶೇಷ ಪೂಜೆ, ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.
ಕಾರವಾರದ ಪುರಾಣ ಪ್ರಸಿದ್ಧ ಶೆಜ್ಜೇಶ್ವರ ದೇವಸ್ಥಾನದಲ್ಲಿ ವಿಶೇಷ ಪೂಜೆ, ಪ್ರಸಾದ ವಿತರಣೆ ನಡೆಯಲಿದೆ. ರಾತ್ರಿ ದೀಪ ಅಲಂಕಾರದ ನಂತರ ಪೂಜೆ, ಪ್ರಸಾದ ವಿತರಣೆ ಜರುಗಲಿದೆ.
ಸುಂಕೇರಿ ರಾಮ ದೇವಸ್ಥಾನ:
ಸುಂಕೇರಿಯ ಶ್ರೀ ರಾಮ ದೇವಸ್ಥಾನದಲ್ಲಿ ಬೆಳಗ್ಗೆ 5 ರಿಂದ 7 ಗಂಟೆಯವರೆಗೆ ನಗರ ಸಂಕೀರ್ತನೆ ನಡೆಯಲಿದೆ. ರಾಮ ಮಂದಿರದಿAದ ಹೊರಟು, ಮರಾಠಾವಾಡಾ, ನಂದನಗದ್ದಾ, ಸುಂಕೇರಿ, ಸುಂಕೇರಿ ರಾಮನಾಥ ದೇವಸ್ಥಾನದಿಂದ ಪುನಃ ರಾಮಮಂದಿರಕ್ಕೆ ಬಂದು ತಲುಪುವುದು.
8 ಗಂಟೆಗೆ ರಾಮ ತಾರಕ ಹವನ ನಡೆಯಲಿದೆ. 10 ಗಂಟೆಗೆ ರಾಮ ರಕ್ಷಾ ಸ್ತೋತ್ರ ಹಾಗೂ ರಾಮನಾಮ ಜಪ ನಡೆಯಲಿದೆ. 11 ರಿಂದ ಭಕ್ತಿ ಸಂಗೀತ ಕಾರ್ಯಕ್ರಮ, ಮಧ್ಯಾಹ್ನ 12 ಗಂಟೆಯಿAದ ಭಜನಾ ಕಾರ್ಯಕ್ರಮ, 12.30 ರಿಂದ ಪೂಜೆ, ತೀರ್ಥ, ಪ್ರಸಾದ ವಿತರಣೆ, ಮಧ್ಯಾಹ್ನ 1 ಗಂಟೆಗೆ ಅನ್ನ ಸಂತರ್ಪಣೆ ಆಯೋಜಿಸಲಾಗಿದೆ. ಸಾಯಂಕಾಲ 4 ರಿಂದ ಮಹಿಳೆಯರಿಗೆ ಅಶಿರಿನ ಕುಂಕುಮ ಕಾರ್ಯಕ್ರಮ, 5 ರಿಂದ ಮಹಂತ ಭವೇಶಾನಂದ ಸ್ವಾಮೀಜಿ ಅವರಿಂದ ಪ್ರವಚನ, 5.30 ರಿಂದ ದೀಪೋತ್ಸವ, 6.30 ರಿಂದ ಭಜನಾ ಕಾರ್ಯಕ್ರಮ, ರಾತ್ರಿ 8 ರಿಂದ ಮಹಾ ಪೂಜೆ ಪಾನಕ ವಿತರಣೆ ನಡೆಯಲಿದೆ.
ಅನ್ನ ಸಂತರ್ಪಣೆ:
ಹಬ್ಬುವಾಡದ ಮಹಾ ಗಣಪತಿ ದೇವಸ್ಥಾನದಲ್ಲಿ ಬೆಳಗ್ಗೆ 11 ರಿಂದ 12 ಗಂಟೆಯವರೆಗೆ ಭಜನಾ ಕಾರ್ಯಕ್ರಮ ಜರುಗಲಿದೆ. ಮಧ್ಯಾಹ್ನ 12.ರಿಂದ 1.30 ರವರೆಗೆ ರಾಮ ಕಥಾವೃತ, ನಂತರ ಮಾತೋಶ್ರೀ ಸರೋಜಾ ಬಾಳಾ ದೇಸಾಯಿ ಟ್ರಸ್ಟ್ನಿಂದ ಅನ್ನ ಸಂತರ್ಪಣೆ ನಡೆಯಲಿದೆ. ನಂತರ 2.30 ರಿಂದ 7.25 ರವರೆಗೆ ಭಜನೆ, ರಾತ್ರಿ 8 ಗಂಟೆಗೆ ದೀಪೋತ್ಸವ ಮಹಾ ಪೂಜೆ ನಡೆಯಲಿದೆ.
ರಥ ಸಮರ್ಪಣೆ:
ಮಾಜಾಳಿಯ ರಾಮನಾಥ ದೇವಸ್ಥಾನದಲ್ಲಿ ನೂತನವಾಗಿ ನಿರ್ಮಿಸಿದ ರಥ ಸಮರ್ಪಣಾ ಕಾರ್ಯಕ್ರಮವು ಜ. 22 ರಂದು ಮಧ್ಯಾಹ್ನ 12 ಗಂಟೆಗೆ ಜರುಗಲಿದೆ. ಅದಕ್ಕೂ ಪೂರ್ವದಲ್ಲಿ ಭಜನೆ. ಮಧ್ಯಾಹ್ನ ಅನ್ನ ಸಂತರ್ಪಣೆ ನಡೆಯಲಿದೆ.
ಚಿತ್ರಗಿ ಮಠದಲ್ಲಿ:
ಕುಮಟಾದ ಚಿತ್ರಗಿ ಮಠದಲ್ಲಿ ಜ.22 ರಂದು ವಿನಾಯಕ ಜೋಷಿ ಅವರ ನೇತೃತ್ವದಲ್ಲಿ 1008 ರಾಮ ತಾರಕ ಹವನ ಜರುಗಲಿದೆ. ಮಧ್ಯಾಹ್ನ 12.30 ಕ್ಕೆ ಶಂಖ ನಾದದೊಂದಿಗೆ ಮಹಾ ಮಂಗಳಾರತಿ ಜರುಗಲಿದೆ. ನಂತರ ಪ್ರಸಾದ ಭೋಜನ ವ್ಯವಸ್ಥೆ ಮಾಡಲಾಗಿದೆ. ಸಾಯಂಕಾಲ ದೀಪೋತ್ಸವ ಹಾಗೂ ಭಜನಾ ಕಾರ್ಯಕ್ರಮ ಜರುಗಲಿದೆ.
ಕರ್ಕಿ ಮಠದಲ್ಲಿ
ಹೊನ್ನಾವರ ಕರ್ಕಿ ಮಠದಲ್ಲಿ ಬೆಳಗಿನಿಂದ ರಾಮ, ನಾಮ ಜಪ ಯಜ್ಞ, 11 ಗಂಟೆಯಿAದ 1008 ರಾಮ ತಾರಕ ಮಂತ್ರ ಹವನ ಜರುಗಲಿದೆ. 12 ಗಂಟೆಗೆ ಪೂರ್ಣಾಹುತಿ ಹಾಗೂ ನಂತರ ವಿದ್ವಾನರಿಂದ ರಾಮ ಮಂದಿರ ಹೋರಾಟದ ಬಗ್ಗೆ ಭಾಷಣ ನಡೆಯಲಿದೆ. 12.45 ಕ್ಕೆ ಹನುಮಾನ್ ಸಹಿತ ಸೀತಾ ರಾಮಚಂದ್ರ ದೇವರಿಗೆ ಮಹಾ ಮಂಗಳಾರತಿ ಜರುಗಲಿದೆ. ನಂತರ ಮಹಾ ಪ್ರಸಾದ ವಿತರಣೆಯಾಗಲಿದೆ.
