ಬೆಟ್ಟದಪುರ ವ್ಯಾಪ್ತಿಯಲ್ಲಿ ಜಿಟಿಜಿಟಿ ಮಳೆ

ಬೆಟ್ಟದಪುರ: ಪಿರಿಯಾಪಟ್ಟಣ ತಾಲೂಕಿನ ಬೆಟ್ಟದಪುರ ವ್ಯಾಪ್ತಿಯಲ್ಲಿ ಸೋಮವಾರ ಬೆಳಗ್ಗೆಯಿಂದ ಸಂಜೆವರೆಗೆ ಜಿಟಿಜಿಟಿ ಮಳೆ ಸುರಿಯಿತು.

ಈ ಭಾಗದಲ್ಲಿ ಈಗಾಗಲೇ ಕೃಷಿಕರು ತಂಬಾಕು ಎಲೆಗಳ ಹದ ಮಾಡುವ ಪ್ರಕ್ರಿಯೆ ಹಾಗೂ ಭತ್ತದ ನಾಟಿ ಕಾರ್ಯದಲ್ಲಿ ತೊಡಗಿದ್ದಾರೆ. ಎಡಬಿಡದೆ ಮಳೆ ಸುರಿದ ಕಾರಣ ಕೃಷಿ ಚಟುವಟಿಕೆಗೆ ಅಡ್ಡಿಯಾಯಿತು. ಶಾಲಾ-ಕಾಲೇಜಿಗೆ ತೆರಳಲು ುಕ್ಕಳಿಗೆ ಸಮಸ್ಯೆಯಾಯಿತು. ಬೆಟ್ಟದಪುರ, ಈಚೂರು, ಕೂರಗಲ್ಲು, ಜೋಗನಹಳ್ಳಿ, ಭುವನಹಳ್ಳಿ, ಬೆಟ್ಟದತುಂಗ, ಗೊರಹಳ್ಳಿ, ಚಿಕ್ಕನೇರಳೆ, ಹಾರನಹಳ್ಳಿ, ಚಪ್ಪರದಹಳ್ಳಿ, ವಡ್ಡರಬೈಲಕುಪ್ಪೆ, ಸುರಗಳ್ಳಿ ಸೇರಿದಂತೆ ಹಲವು ಗ್ರಾಮಗಳಲ್ಲಿ ಮಳೆ ಸುರಿಯಿತು. ಈಗಾಗಲೇ ತುಂಬಿ ಹರಿಯುತ್ತಿದ್ದ ಕರೆ ಕಟ್ಟೆಗಳು ಮತ್ತೆ ಕೋಡಿಬಿದ್ದವು.