ಅಂದು ಸಂಜೆ 4.30ಕ್ಕೆ ಉಡುಪಿಯ ಶಿವಾನಂದ ಡಿ.ಮತ್ತು ತಂಡದಿಂದ ದಾಸವಾಣಿ ನಡೆಯಲಿದೆ. ಬಳಿಕ ಸಂಜೆ 5.30ಕ್ಕೆ ನಡೆಯಲಿರುವ ಸಮಾರಂಭದಲ್ಲಿ ಲಲಿತಕಲಾ ಪೋಷಕ ಮಣಿ ಪ್ರಶಸ್ತಿಯನ್ನು ಉಡುಪಿಯ ರಜನಿ ಮೆಮೋರಿಯಲ್ ಟ್ರಸ್ಟ್ನ ಸ್ಥಾಪಕ ಟ್ರಸ್ಟಿ ಡಾ.ವಿ.ಅರವಿಂದ ಹೆಬ್ಬಾರ್ ಅವರಿಗೆ ಪ್ರದಾನ ಮಾಡಲಾಗುವುದು. ಎಡನೀರು ಮಠಾಧೀಶ ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿ ಉಪಸ್ಥಿತರಿದ್ದು ಆಶೀರ್ವಚನ ನೀಡುವರು. ಹಿರಿಯ ಜ್ಯೋತಿಷ್ಯ ತಜ್ಞ ವಿಷ್ಣುಪ್ರಸಾದ್ ಹೆಬ್ಬಾರ್, ಪೆರಿಯ ಗೋಕುಲಂ ಗೋಶಾಲೆಯ ಡಾ.ನಾಗರತ್ನ ಹೆಬ್ಬಾರ್, ವಿದುಷಿಃ ಉಷಾ ಈಶ್ವರ ಭಟ್ ಕಾಸರಗೋಡು, ವಿದ್ವಾನ್.ಕಲ್ಮಾಡಿ ಸದಾಶಿವ ಆಚಾರ್ಯ, ವಿದ್ವಾನ್.ಯೋಗೀಶ ಶರ್ಮಾ ಬಳ್ಳಪದವು ಉಪಸ್ಥಿತರಿರುವರು. ಬಳಿಕ ನಡೆಯುವ ಶಾಸ್ತ್ರೀಯ ಸಂಗೀತ ಕಛೇರಿಯಲ್ಲಿ ಡಾ.ರಾಜ್ ಕುಮಾರ್ ಭಾರತೀ ಚೆನ್ನೈ ಹಾಡುಗಾರಿಕೆ, ಪಕ್ಕವಾದ್ಯಗಳಲ್ಲಿ ವಿಠ್ಠಲ ರಾಮಮೂರ್ತಿ ಚೆನ್ನೈ(ವಯೋಲಿನ್), ಅನೂರು ಅನಂತಕೃಷ್ಣ ಶರ್ಮಾ ಬೆಂಗಳೂರು ಹಾಗೂ ಎನ್.ವಿದ್ಯಾಶಂಕರ್ ಬೆಂಗಳೂರು(ಮೃದಂಗ), ಪ್ರಣವ್ ಕಾರ್ತಿಕ್ ಬೆಂಗಳೂರು(ಮೋರ್ಸಿಂಗ್)ನಲ್ಲಿ ಸಾಥ್ ನೀಡುವರು. ಶ್ರೀಗೋಪಾಲಕೃಷ್ಣ ಸಂಗೀತ ವಿದ್ಯಾಲಯ ಕಾಸರಗೋಡು, ಶ್ರೀಪುರಂದರದಾಸ ಸಂಗೀತ ಕಲಾ ಮಂದಿರ ಕಾಸರಗೋಡು ಹಾಗೂ ವೀಣಾವಾಧಿನಿ ಸಂಗೀತ ವಿದ್ಯಾಪೀಠ ಬಳ್ಳಪದವು ತಂಡಗಳು ಸಹಕರಿಸಲಿವೆ.
