ಪ್ರತಿ ವರ್ಷ ಆ್ಯಂಟಿ ರೇಬಿಸ್ ಚುಚ್ಚುಮದ್ದು ನೀಡುತ್ತಿದ್ದರೂ ಬೆಂಗಳೂರು ನಗರ ಜಿಲ್ಲಾ ವ್ಯಾಪ್ತಿಯ ಚುಚ್ಚುಮದ್ದು ನೀಡದ ನಾಯಿಗಳು ಬಂದು ರೇಬಿಸ್ ಹರಡಲು ಕಾರಣವಾಗುತ್ತಿದೆ. ಇದರಿಂದ ರೇಬಿಸ್ ಸೋಂಕು ಕಂಡುಬರುವ ನಾಯಿಗಳ ಸಂಖ್ಯೆಯೂ ವರ್ಷದಿಂದ ವರ್ಷಕ್ಕೆ ಹೆಚ್ಚಿದೆ. ಜನವಸತಿ ಪ್ರದೇಶದಲ್ಲಿರುವ ಬೀದಿ ನಾಯಿಗಳಿಗೆ ಜನರು ಆಹಾರ ಹಾಕುತ್ತಾರೆ. ಆದರೆ, ಬೀದಿ ವ್ಯಾಪಾರಿ, ಹೋಟೆಲ್ಗಳು, ಕಲ್ಯಾಣ ಮಂಟಪ, ದೇವಸ್ಥಾನಗಳ ಬಳಿ ಸುರಿಯುತ್ತಿದ್ದ ತ್ಯಾಜ್ಯದಲ್ಲಿ ಕೆಲ ನಾಯಿಗಳು ಆಹಾರ ಹುಡುಕಿ ತಿನ್ನುತ್ತೇವೆ. ಪ್ರಾಣಿ ಪ್ರಿಯರು, ವಾಯು ವಿಹಾರಿಗಳು, ವ್ಯಾಪಾರಿಗಳು ಮತ್ತು ಕಾರ್ಖಾನೆ ಉದ್ಯೋಗಿಗಳು ಆಹಾರ ಕೊಡುತ್ತಾರೆ. ಮಾಂಸದ ಅಂಗಡಿಗಳ ಮುಂದೆ ಆಹಾರಕ್ಕಾಗಿ ಕಾಯುತ್ತಿದ್ದ, ಕಸದ ರಾಶಿಗಳ ಬಳಿ ಆಹಾರ ಹುಡುಕುತ್ತಿದ್ದ ನಾಯಿಗಳು ರಸ್ತೆಯಲ್ಲಿ ಸಂಚಾರ ಮಾಡುವವರ ಮೇಲೆ ಹೆಚ್ಚಾಗಿ ದಾಳಿ ಮಾಡುತ್ತಿವೆ. ಮಾಂಸದಂಗಡಿಗಳು ಬಿಸಾಡುವ ಮಾಂಸದ ತ್ಯಾಜ್ಯ ತಿನ್ನುತ್ತಿದ್ದ ನಾಯಿಗಳು ಆಕ್ರಮಣಕಾರಿಯಾಗಿವೆ. ಹೀಗಾಗಿ, ಪ್ರತಿನಿತ್ಯ ಮಧ್ಯರಾತ್ರಿವರೆಗೂ ಕೆಲಸ ಮಾಡುವವರ ಮೇಲೆ, ಬೀದಿಗಳಲ್ಲಿ ಮಲಗುವ ನಿರ್ಗತಿಕರ ಹಾಗೂ ರಾತ್ರಿ ವೇಳೆ ಕೆಲಸ ಮುಗಿಸಿ ಮನೆಗೆ ಹೋಗುವಾಗ ಹಾಗೂ ಮುಂಜಾನೆ ವೇಳೆ ಪತ್ರಿಕೆ ಹಾಕುವ ಹುಡುಕರ ಮೇಲೆ ನಾಯಿಗಳು ದಾಳಿ ನಡೆಸುತ್ತಿವೆ.
