ತಂಗಿ ಮದ್ವೆಗೆ ಹಣ ಹೊಂದಿಸಲು ಒಡಿಶಾ ಸಿಎಂ ಕಾಲೇಜಿಗೆ ಕನ್ನ: ಬೆಂಗ್ಳೂರಲ್ಲಿ ಸಿಕ್ಕಿಬಿದ್ದ ಇಂಜಿನಿಯರಿಂಗ್​ ವಿದ್ಯಾರ್ಥಿ!

ಬೆಂಗಳೂರು: ಇಂಜಿನಿಯರಿಂಗ್ ಓದಿ, ಕಾಲೇಜುಗಳಲ್ಲಿ ಸೆಕ್ಯುರಿಟಿ ಕೆಲಸ ಮಾಡಿಕೊಂಡು ಕಳ್ಳತನ ಮಾಡುತ್ತಿದ್ದ ಹೈಟೆಕ್​ ಖದೀಮನನ್ನು ನಗರದ ಬಾಗಲೂರು ಪೊಲೀಸರು ಬಂಧಿಸಿದ್ದಾರೆ.

ಬಂಧಿತನನ್ನು ಒಡಿಶಾ ಮೂಲದ ರಾಜಪಾತ್ರ ಎಂದು ಗುರುತಿಸಲಾಗಿದೆ. ಕಾಲೇಜುಗಳಲ್ಲಿ ಕಂಪ್ಯೂಟರ್ ಬಿಡಿಭಾಗಗಳ ಕಳ್ಳತನವೇ ಈತನ ಟಾರ್ಗೆಟ್ ಆಗಿತ್ತು. ಸುಮಾರು 40 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ಕಳ್ಳತನ ಮಾಡಿದ್ದಾನೆ. ಒಡಿಶಾ ಮುಖ್ಯಮಂತ್ರಿ ನವೀನ್​ ಪಟ್ನಾಯಕ್​ ಅವರಿಗೆ ಸೇರಿದ ಪ್ರತಿಷ್ಠಿತ ಬಿಜು ಲರ್ನಿಂಗ್ ಇನ್‌ಸ್ಟಿಟ್ಯೂಟ್​ನಲ್ಲೂ ಈತನ ಕೈಚಳಕ ನಡೆದಿದೆ. ಬಳಿಕ ಬೆಂಗಳೂರಿನ ಬಾಗಲೂರಿನ ಸಿಎಂಆರ್ ಕಾಲೇಜಿನಲ್ಲಿಯೂ ಇದೇ ರೀತಿ ಕೃತ್ಯ ಎಸಗಿದ್ದಾನೆ. 20 ಲಕ್ಷ ಮೌಲ್ಯದ ಕಂಪ್ಯೂಟರ್ ಉಪಕರಣಗಳನ್ನು ಕದ್ದಿದ್ದಾನೆ.

ಇಂಜಿನಿಯರಿಂಗ್​ ಓದಿರುವ ಈತ ಮೊದಲು ಯಾವ ಕಾಲೇಜಿನಲ್ಲಿ ಎಷ್ಟು ಕಂಪ್ಯೂಟರ್​ಗಳಿವೆ ಎಂದು ಮಾಹಿತಿ ಸಂಗ್ರಹಿಸುತ್ತಿದ್ದ. ಬಳಿಕ ಸುಳ್ಳುಗಳನ್ನು ಹೇಳಿಕೊಂಡು ಆ ಕಾಲೇಜಿಗಳಿಗೆ ತೆರಳಿ ಸೆಕ್ಯುರಿಟಿ ಕೆಲಸ ಕೇಳುತ್ತಿದ್ದ. ಕೆಲಸಕ್ಕೆ ಸೇರಿದ ಎರಡೇ ದಿನದಲ್ಲಿ ಕಂಪ್ಯೂಟರ್​ನ ಪ್ರೊಸೆಸರ್‌, ರ್ಯಾಮ್​ಗಳಿಗೆ ಕನ್ನ ಹಾಕಿ, ತನ್ನ ವೆಬ್​ನಲ್ಲಿ ತನ್ನದೇ ಕಂಪನಿ ತೆರೆದು, ಕದ್ದ ವಸ್ತುಗಳನ್ನು ಮಾರಾಟ ಮಾಡುತ್ತಿದ್ದ.

ಆ ವೆಬ್ ಕಂಪೆನಿಗೆ ತಾನೇ ಡೈರೆಕ್ಟರ್ ಅಂತ ಹೇಳಿಕೊಂಡಿದ್ದ ಈತ ವೆಬ್‌ಸೈಟ್​ನಲ್ಲಿ ಅತಿ ಕಡಿಮೆ ಬೆಲೆಗೆ ಕಂಪ್ಯೂಟರ್ ರ್ಯಾಮ್, ಪ್ರೊಸೆಸರ್ ಹಾಗೂ ಹಾರ್ಡ್ ಡಿಸ್ಕ್ ಅನ್ನು ಸೇಲ್ ಮಾಡುವುದಾಗಿ ಜಾಹಿರಾತು ನೀಡಿದ್ದ. ಸದ್ಯ ಆರೋಪಿ ರಾಜಪಾತ್ರನನ್ನು ಬಂಧಿಸಿರುವ ಪೊಲೀಸರು 40 ಲಕ್ಷ ರೂ. ಮೌಲ್ಯದ ಕಂಪ್ಯೂಟರ್ ಹಾಗೂ ಕಂಪ್ಯೂಟರ್​ಗೆ ಸಂಬಂಧಿಸಿದ ಸಾಧನಗಳನ್ನು ವಶಕ್ಕೆ ಪಡೆದಿದ್ದಾರೆ.

ವಿಚಾರಣೆ ಬಾಯ್ಬಿಟ್ಟಿರುವ ಈತ ತಂಗಿ ಮದುವೆಗೆ ಹಣ ಹೊಂದಿಸಲು ಕಳ್ಳತನ ಮಾಡುತ್ತಿದ್ದಾಗಿ ಹೇಳಿಕೊಂಡಿದ್ದಾನೆ. ಸರ್.. ಚಿನ್ನಾಭರಣ ಕದ್ದು, ಅದರಿಂದ ಹಣ ಪಡೆಯೋದು ಕಷ್ಟ. ಹೀಗಾಗಿ, ಕಂಪ್ಯೂಟರ್ ಉಪಕರಣ ಕದ್ದು, ಆನ್​ಲೈನ್​ನಲ್ಲಿ ಮಾರಾಟ ಮಾಡುತ್ತಿದ್ದೆ. ನನ್ನ ಕಂಪೆನಿ ಲಾಸ್ ಅಲ್ಲಿದೆ, ಅದಕ್ಕೆ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿರುವುದಾಗಿ ಹೇಳುತ್ತಿದೆ ಎಂದು ಆರೋಪಿ ಬಾಯ್ಬಿಟ್ಟಿದ್ದಾನೆ. ಸದ್ಯ ಬೆಂಗಳೂರಿಗೆ ಬಂದಿರುವ ಒಡಿಶಾ ಪೊಲೀಸರು ಆರೋಪಿಯ ವಿಚಾರಣೆ ನಡೆಸಿದ್ದಾರೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/r-what-is-islamic-state-khorasan-that-launched-deadliest-attack-on-us-forces-since-2011/

https://www.vijayavani.net/actress-ramya-divya-spandana-instagram-mysuru-atrocity-case-chamundi-hills/

https://www.vijayavani.net/r-another-dance-video-featuring-ram-gopal-varma-and-inaya-sultana-goes-viral/