ತಮ್ಮ ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿರುವ ರಮ್ಯಾ, ಮಹಿಳೆಯ ಮೇಲೆ ಪುರುಷ ನಡೆಸುವ ಎಲ್ಲ ದೌರ್ಜನ್ಯಗಳಿಗೂ ಮಹಿಳೆಯನ್ನೇ ಹೊಣೆ ಮಾಡಲಾಗುತ್ತದೆ. ಆತ ಮಹಿಳೆಯ ಮೇಲೆ ಅತ್ಯಾಚಾರ ಎಸಗಿರಬಹುದು ಅಥವಾ ಹಲ್ಲೆ ಮಾಡಿರಬಹುದು, ನಿಂದಿಸಿರಬಹುದು... ಆದರೆ, ಅದು ನಿನ್ನ ತಪ್ಪು, ನೀನು ಆ ರೀತಿ ಹೇಳಬಾರದಿತ್ತು, ನೀನು ಹಾಗೆ ಮಾಡಬಾರದಿತ್ತು, ನೀನು ಆ ಬಟ್ಟೆ ಹಾಕಬಾರದಿತ್ತು, ತುಂಬಾ ಚಿಕ್ಕದಾಯ್ತು, ತುಂಬಾ ಉದ್ದ ಆಯ್ತು, ತಡ ರಾತ್ರಿ ನೀನು ಹೊರಗೆ ಹೋಗಬಾರದಿತ್ತು, ಮೇಕಪ್ ಹಾಕಬಾರದಿತ್ತು, ಕೆಂಪು ಲಿಪ್ ಸ್ಟಿಕ್ ಯಾಕೆ? ನೀನು ಕಣ್ಣು ಮಿಟುಕಿಸಬಾರದಿತ್ತು, ನಿನ್ನ ಬಳಿ ಅದು ಇರಬಾರದು, ಇದು ಇರಬಾರದು...ಯಾಕೆ ? ಏಕೆಂದರೆ, ಗಂಡಸರು, ಗಂಡಸರಲ್ಲವೇ... ಅದಕ್ಕೆ ನಾವು ಹೆಂಗಸರು ಕಾಂಪ್ರಮೈಸ್ ಮಾಡಿಕೊಳ್ಳಬೇಕು, ಅಡ್ಜಸ್ಟ್ ಮಾಡಿಕೊಳ್ಳಬೇಕು, ನಾವೇ ಬದಲಾಗಬೇಕು, ಎದುರಿಸಬೇಕು... ಆದರೆ, ಅದು ಸಾಧ್ಯವಿಲ್ಲ, ಈ ಮನಸ್ಥಿತಿಗೆ ಪೂರ್ಣವಿರಾಮ ಆಡಲೇಬೇಕು ಎಂದು ರಮ್ಯಾ ಸುದೀರ್ಘವಾಗಿ ಪುರುಷ ಪ್ರಧಾನ ಸಮಾಜಕ ದಬ್ಬಾಳಿಕೆಗಳನ್ನು ಉಲ್ಲೇಖಿಸಿ ಆಕ್ರೋಶ ಹೊರಹಾಕಿದ್ದಾರೆ.
