ಯಶಸ್ವಿಯಾಗಿ ಮುಗಿದ ಕ್ವೆಸ್ಟ್​ ಮ್ಯಾನೇಜ್​ಮೆಂಟ್​ ಫೆಸ್ಟ್​

ಬೆಂಗಳೂರು: ಬಿಎಂಎಸ್​ ಇಂಜಿನಿಯರಿಂಗ್​ ಕಾಲೇಜಿನ ಮ್ಯಾನೇಜ್​ಮೆಂಟ್​ ಸ್ಟಡಿಸ್​ ಮತ್ತು ರಿಸರ್ಚ್​ ಸೆಂಟರ್​, ನಗರದಲ್ಲಿ ಫೆ.14ರಿಂದ ಎರಡು ದಿನ ಆಯೋಜಿಸಿದ್ದ "ಕ್ವೆಸ್ಟ್​-2025 ಮ್ಯಾನೇಜ್​ಮೆಂಟ್​' ಫೆಸ್ಟ್​ ಯಶಸ್ವಿಯಾಗಿ ನಡೆಯಿತು.

ವಿಪ್ರೋದ ಡಾ. ಪ್ರವಿಣ್​ ಕಾಮತ್​ ಕುಂಬ್ಳೆ ಚಾಲನೆ ನೀಡಿದರು. ಆರ್​ಎನ್​ಎಸ್​ಐಟಿ ಬೆಂಗಳೂರು ಸಮಗ್ರ ಚಾಂಪಿಯನ್​ ಆಗಿ ಹೊರಹೊಮ್ಮಿ ಟ್ರೋಫಿ ಗೆದ್ದುಕೊಂಡಿತು. ರಾಷ್ಟ್ರೀಯ ಮಟ್ಟದ ಹ್ಯಾಕಾಥಾನ್​ ಝೆರೋದಾ ಸಹಯೋಗದೊಂದಿಗೆ ಆಯೋಜಿಸಲಾಯಿತು. ನಾಸಿಕ್​ನ ಕೆಕೆ ವಾಘ್​ ಇನ್​ಸ್ಟಿಟಿಟ್ಯೂಟ್​ ಆಫ್​​​ ಇಂಜಿನಿಯರಿಂಗ್​ ಎಜುಕೇಷನ್​ನ ರಿಸರ್ಚ್​ ವಿದ್ಯಾರ್ಥಿಗಳು ಮೊದಲ ಸ್ಥಾನ ಪಡೆದು 20 ಸಾವಿರ ರೂ. ನಗದು ಬಹುಮಾನ ಪಡೆದರು.

ಮಾನವ ಸಂಪನ್ಮೂಲ (ಎಚ್​ಆರ್​), ಬಿಜಿನೆಸ್​ ಅನಾಲಿಟಿಕ್ಸ್​, ಮಾರ್ಕೆಟಿಂಗ್​, ಫೈನಾನ್ಸ್​, ಉತ್ತಮ ನಿರ್ವಹಣಾ ತಂಡ, ಉತ್ತಮ ನಿರ್ವಾಹಕ, ಬಿಜಿನೆಸ್​ ಕ್ವಿಜ್​ ಮತ್ತು ಇ-ಕ್ರೀಡೆಗಳ ಸೇರಿ ಇತರ ಸ್ಪರ್ಧೆಗಳು ನಡೆದವು. ನಿರ್ವಹಣಾ ಪರಿಕಲ್ಪನೆಗಳನ್ನು ಪೌರಾಣಿಕ ಕಥೆಗಳೊಂದಿಗೆ ಸಂಯೋಜಿಸುವ ಹೊಸ ಪ್ರಯತ್ನ ಇದಾಗಿತ್ತು. 270 ಪದವಿ, ಸ್ನಾತಕೋತ್ತರ ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಪಾಂಶುಪಾಲ ಡಾ. ಭೀಮ್ಷಾ ಆರ್ಯ, ಉಪಪ್ರಾಂಶುಪಾಲ ಡಾ. ಶೇಷಾಚಲಂ ಮತ್ತಿತರರಿದ್ದರು.

https://www.vijayavani.net/closing-of-universities-does-not-bring-glory-to-the-government-abvp-outrage