ಕ್ವಾರಂಟೈನ್​ನಲ್ಲಿದ್ದೀರಾ ಹೊರ ಬರಬೇಡಿ ಎಂದದ್ದೇ ತಪ್ಪಾಯಿತು- ಸರ್ಕಲ್ ಇನ್​ಸ್ಪೆಕ್ಟರ್​ ಮೇಲೆ ನಡೆಯಿತು ಹಲ್ಲೆ!

ಬೀದರ್: ಕರೊನಾ ಸೋಂಕು ಹರಡ್ತಾ ಇದೆ. ಅದನ್ನು ತಡೆಯೋದಕ್ಕಾದರೂ ಮನೆಯಲ್ಲೇ ಇರಿ. ಕ್ವಾರಂಟೈನ್ ಅವಧಿಯಲ್ಲಿ ಇದ್ದೀರಿ.. ಹೊರಬರಲೇ ಬೇಡಿ ಎಂದು ಬುದ್ಧಿ ಮಾತು ಹೇಳಿದ ಸರ್ಕಲ್ ಇನ್​ಸ್ಪೆಕ್ಟರ್​ ಮೇಲೇ ಕೈ ಮಾಡಿದ್ರು ಕಿಡಿಗೇಡಿಗಳು.

ಬೀದರ್ ಜಿಲ್ಲೆಯ ಕಮಲನಗರ ತಾಲೂಕಿನ ಬೆಳಕುಣಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಮಹಾರಾಷ್ಟ್ರ ಪೂನಾ ದಿಂದ ಬಂದ ರಾಹುಲ್​ ಮತ್ತು ಆತನ ಕುಟುಂಬಸ್ಥರೇ ಪೊಲೀಸ್ ಅಧಿಕಾರಿ ಮೇಲೆ ಹಲ್ಲೆ ನಡೆಸಿದವರು. ಹಲ್ಲೆಗೀಡಾದ ಪೊಲೀಸ್ ಅಧಿಕಾರಿ ಕಮಲನಗರ ವೃತ್ತದ ಸಿಪಿಐ ಪಾಲಕ್ಷ ಹಿರೇಮಠ.

ಮಹಾರಾಷ್ಟ್ರದಲ್ಲಿ ಕರೊನಾ ಸೋಂಕು ಅಧಿಕವಾಗಿದ್ದು, ಅಲ್ಲಿಂದ ಬಂದವರು ಮನೆಯಿಂದ ಹೊರಗೆ ಬರಲೇಬಾರದು. ಕ್ವಾರಂಟೈನ್ ಅವಧಿ ಪೂರೈಸಿ ಬಿಡಿ ಎಂದು ಹಿರೇಮಠ ಅವರು ಮನವಿ ಮಾಡಿಕೊಂಡಿದ್ದರು. ಇದರಿಂದ ಕೆರಳಿದ ರಾಹುಲ್ ಮತ್ತು ಕುಟುಂಬಸ್ಥರು ಆಶಾ ಕಾರ್ಯಕರ್ತರ ಸಮ್ಮುಖದಲ್ಲೇ ಸಿಪಿಐ ಮೇಲೆ ಹಲ್ಲೆ ನಡೆಸಿದ್ದರು. ಈ ಸಂಬಂಧ ಪ್ರಕರಣ ದಾಖಲಾಗಿದ್ದು, ಹಲ್ಲೆ ನಡೆಸಿದವರನ್ನು ಬಂಧಿಸಿದ್ದಾರೆ.

https://www.vijayavani.net/parents-of-girl-who-dropped-apple-ordered-to-pay-compensation-for-freak-accident-in-dongguan-china/