ಬೆಂಗಳೂರು: ದೇಶ-ವಿದೇಶಗಳಿಂದ ಕರುನಾಡಿಗೆ ಆಗಮಿಸುವ ಜನರು, ಬೆಂಗಳೂರು ಸೇರಿದಂತೆ ಇತರೆ ಜಿಲ್ಲೆಯ ಸ್ಥಳಗಳಿಗೆ ಭೇಟಿ ಕೊಡಲು ಆಟೋ ರಿಕ್ಷಾಗಳ ಮೇಲೆ ಹೆಚ್ಚು ಅವಲಂಬಿತರಾಗಿದ್ದಾರೆ. ಕರ್ನಾಟಕದ ಮೂಲೆ ಮೂಲೆಗೆ ತಿರುಗಾಡಲು ಹಣವಿದೆ ಆದರೆ ಭಾಷೆ ಗೊತ್ತಿಲ್ಲ. ಕನ್ನಡಿಗರಾಗದ ಕಾರಣ ಕೆಲವರು ಇಲ್ಲಿನ ಸ್ಥಳೀಯ ಭಾಷೆಗೆ ಆದ್ಯತೆ ನೀಡದೆ, ಕಲಿಯುವುದಿಲ್ಲ, ಕಲಿಯುವ ಪ್ರಯತ್ನ ಕೂಡ ಮಾಡಲ್ಲ. ಇದು ಬೇಸರದ ಸಂಗತಿ ನಿಜ. ಆದ್ರೆ, ಕನ್ನಡ ಬಾರದೆ ಇದ್ದರೂ ಸಹ ಸ್ವಲ್ಪ ಸ್ವಲ್ಪ ಮಾತನಾಡುವ ಮೂಲಕ ಒಂದಷ್ಟು ಮಂದಿ ಎಲ್ಲರ ಗಮನಸೆಳೆದು, ನಾವು ಕೂಡ ಕನ್ನಡಿಗರೇ ಎಂದು ಪರಿಚಯಿಸುತ್ತಾರೆ. ಇಲ್ಲೊಬ್ಬರು ಮಹಿಳೆ ಪಂಜಾಬ್ನಿಂದ ಬೆಂಗಳೂರಿಗೆ ಬಂದಿದ್ದು, ಆಟೋ ಚಾಲಕನ ನಡೆಗೆ ತೀವ್ರ ಖಂಡನೆ ವ್ಯಕ್ತಪಡಿಸಿದ್ದಾರೆ.
