ಮಕ್ಕಳಿಗೆ ತಾರತಮ್ಯರಹಿತ ಶಿಕ್ಷಣ ನೀಡಿ

ಕಂಪ್ಲಿ: ಮಹಿಳೆಯರು ಸರ್ಕಾರಿ ಯೋಜನೆಗಳನ್ನು ಸದ್ಬಳಕೆ ಮಾಡಿಕೊಳ್ಳಬೇಕು. ಮಕ್ಕಳಿಗೆ ತಾರತಮ್ಯರಹಿತ ಶಿಕ್ಷಣ ಹಾಗೂ ಪೋಷಣೆ ಮಾಡಬೇಕು ಎಂದು ಖಾಸಗಿ ಶಾಲೆಯ ಮುಖ್ಯಶಿಕ್ಷಕ ಬಡಿಗೇರ ಜಿಲಾನ್‌ಸಾಬ್ ಹೇಳಿದರು.

ಇದನ್ನೂ ಓದಿ:25 ಜ್ಞಾನವಿಕಾಸ ಕೇಂದ್ರ ಕಾರ್ಯನಿರ್ವಹಣೆ

ಪಟ್ಟಣದ ಮಾರುತಿ ನಗರ ವಲಯದ ಬಸವೇಶ್ವರ ಕಾರ್ಯಕ್ಷೇತ್ರದ ಜಂಡೆಕಟ್ಟಿ ಆವರಣದಲ್ಲಿ ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ.ಟ್ರಸ್ಟ್‌ವತಿಯಿಂದ ಶುಕ್ರವಾರ ಹಮ್ಮಿಕೊಂಡಿದ್ದ ಕಮಲಾ ಮಹಿಳಾ ಜ್ಞಾನವಿಕಾಸ ಕೇಂದ್ರದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಟ್ರಸ್ಟ್ ಯೋಜನಾಧಿಕಾರಿ ರಾಘವೇಂದ್ರ ಜ್ಞಾನವಿಕಾಸ ಕೇಂದ್ರ ಉದ್ಘಾಟಿಸಿದರು. ಪುರಸಭೆ ಸದಸ್ಯೆ ಎಚ್.ಹೇಮಾವತಿ ಪೂರ್ಣಚಂದ್ರ, ಕೇಂದ್ರದ ಅಧ್ಯಕ್ಷೆ ವೆಂಕಮ್ಮ, ಸಮನ್ವಯಾಧಿಕಾರಿ ರೇಖಾ, ಸೇವಾ ಪ್ರತಿನಿಧಿ ಲತಾ ಇತರರಿದ್ದರು.