14.90 ಲಕ್ಷ ರೂ. ಮೌಲ್ಯದ ಸ್ವತ್ತು ವಶ

ಖಾನಾಪುರ: ನಾಲ್ಕು ಪ್ರತ್ಯೇಕ ಕಳ್ಳತನ ಪ್ರಕರಣಗಳನ್ನು ಭೇದಿಸಿದ ಖಾನಾಪುರ ಪೊಲೀಸರು ಬೈಕ್​, ಕ್ಯಾಮರಾ, ಕಾರ್​ ಸೇರಿ 14.90 ಲಕ್ಷ ರೂ. ಮೌಲ್ಯದ ವಿವಿಧ ವಸ್ತುಗಳನ್ನು ವಶಕ್ಕೆ ಪಡೆದು ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ಜೋಯ್ಡಾದ ಸಮೀರ್​ ಸೂರಜ್​ ಪಾಟೀಲ್​, ಪಾರೀಶ್ವಾಡ ಗ್ರಾಮದ ಶೋಯಬ್​ ರಫೀಕ್​ ಮಾರಿಹಾಳ, ಶುಭಾನಿ ರಾಜೇಸಾಬ್​ ಟೋಲ್ಗಿ, ಅತ್​ೀ ಸಲಾವುದ್ದೀನ್​ ಸಂದಿ, ಅಜೀಜ್​ ಬಾಬಾಸಾಬ್​ ತಲ್ಲೂರ್​ ಬಂಧಿತ ಆರೋಪಿಗಳು.

ಜುಲೈ 2, 2025ರಂದು ಗರ್ಲಗುಂಜಿಯ ಮಹೇಶ ಕುಂಬಾರ ಅವರು ಖಾನಾಪುರದ ಗಣೇಶ ಕಾಲನಿಯಲ್ಲಿ ನಿಲ್ಲಿಸಿದ್ದ ರಾಯಲ್​ ಎನ್​ಫೀಲ್ಡ್​ ಬೈಕ್​ ಕದ್ದಿದ್ದಾರೆಂದು ನೀಡಿದ್ದ ದೂರಿನನ್ವಯ ಖಾನಾಪುರ ಪೊಲೀಸರು ಆರೋಪಿಯನ್ನು ಬಂಧಿಸಿ, 2.90 ಲಕ್ಷ ರೂ. ಮೌಲ್ಯದ ಬೈಕ್​ ವಶ ಪಡೆದಿದ್ದಾರೆ. ಇನ್ನೊಂದು ಪ್ರಕರಣದಲ್ಲಿ ಕ್ಯಾನನ್​ ಕಂಪನಿಯ ಕ್ಯಾಮರಾ ಮತ್ತು ಲೆನ್ಸ್​ ಜಪ್ತಿ ಮಾಡಿದ್ದಾರೆ. ಈ ಎರಡೂ ಪ್ರಕರಣಗಳಲ್ಲಿ ಆರೋಪಿಗಳಿಂದ 3.60 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ವಶ ಪಡೆಯಲಾಗಿದೆ.

ಜೆಸಿಬಿಯ ಕೆಲ ಭಾಗಗಳನ್ನು ಕದ್ದಿರುವ ದೂರಿನ ಆಧಾರದ ಮೇಲೆ 4.80 ಲ ರೂ. ಮೌಲ್ಯದ ವಸ್ತುಗಳು ಮತ್ತು ಕಳ್ಳತನಕ್ಕೆ ಬಳಸಿದ ಗೂಡ್ಸ್​ ವಾಹನ ವಶಪಡಿಸಿಕೊಳ್ಳಲಾಗಿದೆ. ಮಾರ್ಚ್​ 4, 2025ರಂದು ಖಾನಾಪುರ ತಾಲೂಕಿನ ಗಂಗವಾಲಿ ಗ್ರಾಮದ ಬಳಿ ನಿಲ್ಲಿಸಿದ್ದ ಕಾರನ್ನು ಕದ್ದಿರುವುದಾಗಿ ಬೆಳಗಾವಿಯ ಸೋನಾರ ಗಲ್ಲಿಯ ಸುನೀತಾ ಲೋಹಾರ ನೀಡಿದ ದೂರಿನನ್ವಯ ಖಾನಾಪುರ ಪೊಲೀಸರು 4.50 ಲ ರೂ. ಮೌಲ್ಯದ ಕಾರನ್ನು ವಶಪಡೆದಿದ್ದಾರೆ.

ಡಿಎಸ್​ಪಿ ವೀರಯ್ಯ ಮಠಪತಿ, ಪೊಲೀಸ್​ ಇನ್ಸ್​ಪೆಕ್ಟರ್​ ಎಲ್​.ಎಚ್​. ಗವಡಿ, ಪೊಲೀಸ್​ ಸಬ್​&ಇನ್ಸ್​ಪೆಕ್ಟರ್​ ಮಾಲಣ್ಣಗೌಡ ಬಿರಾದಾರ, ಎ.ಒ. ನಿರಂಜನ್​, ಪಿಎಸ್​ಐ (ಹೆಚ್ಚುವರಿ) ಮತ್ತು ಸಿಬ್ಬಂದಿ ಬಿ.ಜಿ. ಯಲಿಗಾರ, ಜೆ.ಐ. ಕಾದ್ರೋಳಿ, ಬಿ.ಎಸ್​. ನಾಯಕ ಮಾರ್ಗದರ್ಶನದಲ್ಲಿ ಜಿಲ್ಲಾ ತಾಂತ್ರಿಕ ಕೋಶ ವಿಭಾಗದ ವಿನೋದ ಟಕ್ಕಣ್ಣವರ, ಸಚಿನಾ ಪಾಟೀಲ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.