ಅವ್ವೇರಹಳ್ಳಿ ಪುನರ್ ವಸತಿ ಕಾಲನಿ ಮೀನುಗಾರರ ಸಹಕಾರ ಸಂ 1995ರಿಂದ ಉತ್ತಮವಾಗಿ ಮೀನು ಸಾಕಣೆ ಕೆಲಸ ಮಾಡುತ್ತಿದೆ. ಇದರಿಂದಾಗಿ ನಮ್ಮ ಕೇಂದ್ರದಿಂದ ಪರಿಶಿಷ್ಟಜಾತಿ ಅನುದಾನದಿಂದ ತರಬೇತಿ, ಮೀನಿನ ಆಹಾರ, ಬಲೆ, ಕ್ರೇಟ್, ದೋಣಿ, ಮೀನುಮರಿ ಸೇರಿ ಮೀನುಗಾರಿಕೆಗೆ ಬೇಕಾದ ಸಲಕರಣೆಗಳನ್ನು ಉಚಿತವಾಗಿ ವಿತರಿಸಲಾಗುತ್ತಿದೆ. ಪ್ರತಿ ವರ್ಷ ರಾಜ್ಯದ ಹಲವು ಜಲಾಶಯಗಳನ್ನು ಗುರುತಿಸಿ ಸೌಲತ್ತು ನೀಡುತ್ತಿದ್ದು, ಈ ಬಾರಿ ಚಿತ್ರದುರ್ಗದ ಗಾಯತ್ರಿ ಜಲಾಶಯ, ಮಂಚನಬೆಲೆ, ಕಬಿನಿ ಜಲಾಶಯ, ಕುಶಾಲನಗರ ಚಕ್ಳಿ ಹೊಳೆ ಜಲಾಶಯ, ತಮಿಳುನಾಡಿನ ಕೃಷ್ಣಗಿರಿ, ಕೇರಳದ ಬಾಣಾಸುರ ಜಲಾಶಯದ ಮೀನುಗಾರರಿಗೆ ಸವಲತ್ತು ನೀಡಲಾಗುತ್ತಿದೆ ಎಂದು ತಾಂತ್ರಿಕ ಅಧಿಕಾರಿ ಡಾ. ವಿಜಯ್ ಕುಮಾರ್ ಹೇಳಿದರು.
