ಶಕ್ತಿ ಯೋಜನೆ ಜಾರಿಯಾದ 3ನೇ ದಿನ, ಮಂಗಳವಾರ ಕೆಎಸ್ಸಾರ್ಟಿಸಿ ಮಂಗಳೂರು ವಿಭಾಗದಲ್ಲಿ 48,722 ಮಹಿಳೆಯರು ಪ್ರಯಾಣ ಮಾಡಿದ್ದಾರೆ. ಸೋಮವಾರ 25,446 ಮಹಿಳೆಯರು ಪ್ರಯಾಣಿಸಿದ್ದು, ಮಂಗಳವಾರ ಈ ಸಂಖ್ಯೆ ಬಹುತೇಕ ದುಪ್ಪಟ್ಟಾಗಿದೆ. ಸೋಮವಾರ ಪ್ರಯಾಣಿಸಿದ ಮಹಿಳೆಯರ ಒಟ್ಟು ಪ್ರಯಾಣ ವೆಚ್ಚ 11,96,682 ರೂ.ಆಗಿದ್ದರೆ, ಮಂಗಳವಾರದ ವೆಚ್ಚ 17,79,720 ರೂ. ಮಂಗಳೂರು-1ನೇ ಘಟಕದಲ್ಲಿ 3,36,941 ರೂ.(6357 ಮಹಿಳಾ ಪ್ರಯಾಣಿಕರು), ಮಂಗಳೂರು 3ನೇ ಘಟಕದಲ್ಲಿ 6,76,299 ರೂ.(20,292 ಮಹಿಳೆಯರು), ಕುಂದಾಪುರ ಘಟಕದಲ್ಲಿ 4,11,778 ರೂ. (11,966 ಮಹಿಳೆಯರು), ಉಡುಪಿ ಘಟಕದಲ್ಲಿ (10,107 ಮಹಿಳೆಯರು)3,54,702 ರೂ. ವೆಚ್ಚವಾಗಿದೆ ಎಂದು ಕೆಎಸ್ಸಾರ್ಟಿಸಿ ಮಂಗಳೂರು ವಿಭಾಗೀಯ ನಿಯಂತ್ರಣಾಧಿಕಾರಿ ರಾಜೇಶ್ ಶೆಟ್ಟಿ ತಿಳಿಸಿದ್ದಾರೆ.
