ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅಧ್ಯಕ್ಷ ಭರತ್ ಕುಮಾರ್ ಉಳ್ಳಾಲ್, ದ.ಕ. ಜಿಲ್ಲೆಯಲ್ಲಿ ಮೊಗವೀರ ಸಮಾಜ ಪ್ರಭಲ ರಾಜಕೀಯ ಶಕ್ತಿ. ದ.ಕ. ಜಿಲ್ಲೆಯಲ್ಲಿ 1989ರ ಬಳಿಕ ಯಾವುದೇ ಪಕ್ಷಗಳು ನಮಗೆ ರ್ಸ್ಪಸಲು ಅವಕಾಶ ನೀಡದೆ ನಮ್ಮನ್ನು ವಂಚಿಸಿ ಅನ್ಯಾಯ ಮಾಡುತ್ತಿದೆ. ಕೇವಲ ಓಟ್ ಬ್ಯಾಂಕ್ಗಳಾಗಿ ಮಾಡಿರುವುದಲ್ಲದೆ ಸಾಮಾಜಿಕ ನ್ಯಾಯದಂತೆ ನಮ್ಮ ಸಮಾಜಕ್ಕೆ ಯಾವುದೇ ಅವಕಾಶ ನೀಡುತ್ತಿಲ್ಲ. ಮೊಗವೀರ ಸಮಾಜ ನಿಯತ್ತು ಮತ್ತು ಒಗ್ಗಟ್ಟಿಗೆ ಹೆಸರುವಾಸಿ. ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಈ ಬಾರಿಯಾದರೂ ಒಂದಾದರೂ ಶಾಸಕ ಸ್ಥಾನಕ್ಕೆ ರ್ಸ್ಪಸಲು ನಮ್ಮ ಸಮಾಜಕ್ಕೆ ಪರಿಗಣಿಸಬಹುದೆಂಬ ನಿರೀಕ್ಷೆಯಲ್ಲಿ ಇದ್ದೆವು. ಆದರೆ, ಯಾವುದೇ ಪಕ್ಷದಲ್ಲೂ ನಮ್ಮ ಸಮಾಜದ ಉಮೇದುದಾರಿಕೆ ಬಗ್ಗೆ ಚಕಾರವೆತ್ತದೆ ಇರದಿರುವುದು ಬೇಸರ ತಂದಿದೆ. ಮುಂಬರುವ ಚುನಾವಣೆ ಪ್ರಣಾಳಿಕೆಗೆ ಯಾವೆಲ್ಲಾ ಅಂಶಗಳನ್ನು ಸೇರಿಸಬಹುದು ಎಂಬ ಬಗ್ಗೆಯೂ ನಾವು ಮನವಿ ನೀಡಿದ್ದೇವೆ ಎಂದು ಹೇಳಿದರು.
