ಕುಡಿದು ಜಗಳವಾಡಿ ಪ್ರಾಣ ಕಳ್ಕೊಂಡ; ಆರೇ ಗಂಟೆಗಳಲ್ಲಿ ಸಿಕ್ಕಿಬಿದ್ದ ಕೊಲೆಗಡುಕರು..

ಬೆಂಗಳೂರು: ವ್ಯಕ್ತಿಯೊಬ್ಬ ಮದ್ಯಪಾನ ಮಾಡಿಕೊಂಡು ಅದೇ ಮತ್ತಿನಲ್ಲಿ ಆಡಿದ ಮಾತುಗಳೇ ಪ್ರಾಣಕ್ಕೆ ಕುತ್ತಾಗಿದ್ದು ಒಂದೆಡೆಯಾದರೆ, ಮತ್ತೊಂದೆಡೆ ಪ್ರಕರಣದ ದಾಖಲಾದ ಆರೇ ಗಂಟೆಗಳಲ್ಲಿ ಕೊಲೆಗಡುಕರನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಮೂಲಕ ಜೀವನ್​ಬಿಮಾನಗರದಲ್ಲಿ ನಡೆದ ಆಟೋ ಚಾಲಕನ ಕೊಲೆ ಪ್ರಕರಣವನ್ನು ಪೊಲೀಸರು ಬಂಧಿಸಿದ್ದಾರೆ.

ಮಂಜುನಾಥ್ ಕೊಲೆಯಾದ ಆಟೋ ಚಾಲಕ, ಮಧುಸೂದನ್ ಮತ್ತು ಯತೀಶ್ ಗೌಡ ಕೊಲೆ ಆರೋಪಿಗಳು. ಜೀವನ್​ಬಿಮಾ ನಗರದಲ್ಲಿ ನಿನ್ನೆ ರಾತ್ರಿ ಬಾರ್​ವೊಂದಕ್ಕೆ ತೆರಳಿ ಮದ್ಯಪಾನ ಮಾಡಿದ್ದ ಮಂಜುನಾಥ್, ಪಾನಮತ್ತನಾಗಿ ಹೊರಬಂದು ಹೊರಗಡೆ ಇದ್ದ ಆಟೋವೊಂದನ್ನು ಏರಿದ್ದ.

ಇದನ್ನೂ ಓದಿ: ಹಾಡಹಗಲೇ ಪಿಸ್ತೂಲ್ ತೋರಿಸಿ ದರೋಡೆಗೆ ಯತ್ನ; ಮೂವರ ಪೈಕಿ ಒಬ್ಬ ಪೊಲೀಸ್ ವಶಕ್ಕೆ…

ಆಗ ಆಟೋದಲ್ಲಿದ್ದ ಮಧುಸೂದನ್ ಮತ್ತು ಯತೀಶ್​ ಗೌಡ ಆತನನ್ನು ಆಟೋದಿಂದ ಇಳಿಯುವಂತೆ ಹೇಳಿದ್ದರು. ಆದರೆ ಅದಕ್ಕೆ ಈತ ಮದ್ಯದ ಅಮಲಿನಲ್ಲಿ ಕೆಟ್ಟದಾಗಿ ಬೈದಿದ್ದ. ಆಗ ಅವರಿಬ್ಬರು ಈತನಿಗೆ ಥಳಿಸಿದ್ದರು. ಆಗ ಬಾರ್ ಸಿಬ್ಬಂದಿ ಮತ್ತು ಸಾರ್ವಜನಿಕರು ಜಗಳ ಬಿಡಿಸಿ ಕಳಿಸಿದ್ದರು.

ಇದನ್ನೂ ಓದಿ: ಟೈಟಾಗಿ ಹೋಗಿ ಎಟಿಎಂ ದರೋಡೆಗೆ ಯತ್ನಿಸಿ ಸಿಕ್ಕಿಬಿದ್ದ!

ಆ ಬಳಿಕ ಬಾರ್​ನಿಂದ ಸ್ವಲ್ಪ ದೂರ ಹೋಗಿ ಫುಟ್​ಪಾತ್ ಮೇಲೆ ಮಂಜುನಾಥ್ ಕೂತಿದ್ದ. ನಂತರ ಮಧುಸೂದನ್ ಮತ್ತು ಯತೀಶ್​ ಆಟೋದಲ್ಲಿ ಅಲ್ಲಿಗೆ ಬಂದಾಗ ಅಲ್ಲಿ ಮತ್ತೆ ಗಲಾಟೆ ನಡೆದಿದೆ. ಈ ಸಂದರ್ಭದಲ್ಲಿ ಅವರು ಇಟ್ಟಿಗೆ ಹಾಗೂ ಕಬ್ಬಿಣದ ಪೈಪ್​ನಿಂದ ಹೊಡೆದಿದ್ದು, ಮಂಜುನಾಥ್ ಸಾವಿಗೀಡಾಗಿದ್ದ. ಈ ಕುರಿತು ಜೀವನ್​ಬಿಮಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಕೇಸ್ ದಾಖಲಾದ ಆರೇ ಗಂಟೆಗಳಲ್ಲಿ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.

https://www.vijayavani.net/a-woman-allegedly-beheaded-her-husband-and-kept-the-head-at-temple/

https://www.vijayavani.net/husband-and-wife-died-at-spot-in-car-accident/