ಈ ಪ್ರದೇಶದಲ್ಲಿ ಎಲ್ಲೆಂದರಲ್ಲಿ ಸುರಿಯಲಾಗಿರುವ ತ್ಯಾಜ್ಯವನ್ನು ಸ್ವಂತ ಖರ್ಚಿನಲ್ಲಿ ತೆಗೆದು ಸೂಕ್ತ ರೀತಿಯಲ್ಲಿ ವಿಲೇವಾರಿ ಮಾಡುವಂತೆ ಕಟ್ಟುನಿಟ್ಟಿನ ಸೂಚನೆ ನೀಡಲಾಯಿತು. ಕೋ-ಆಪರೇಟಿವ್ ಸೊಸೈಟಿ ಕಟ್ಟಡದಲ್ಲಿನ ತ್ಯಾಜ್ಯವನ್ನು ತೆರೆದ ಜಾಗದಲ್ಲಿ ಸುರಿದ ಹಾಗೂ ಕೊಳಚೆ ನೀರು ಸಾಗುವಲ್ಲಿ ತ್ಯಾಜ್ಯ ಎಸೆದ ವ್ಯಕ್ತಿಗಳಿಗೆ 5000 ರೂ. ದಂಡ ವಿಧಿಸಲಾಗಿದೆ. ಕೋಟೆಕಣಿ ಕ್ರಾಸ್ ರಸ್ತೆಯ ತೋಡಿಗೆ ಮನೆಗಳಿಂದ ತ್ಯಾಜ್ಯ ನೀರು ಮತ್ತು ಪ್ಲಾಸ್ಟಿಕ್ ಸುರಿದ ಎರಡು ಮನೆ ಮಾಲೀಕರಿಗೆ ತಲಾ 5000 ರೂ. ದಂಡ ವಿಧಿಸಲಾಗಿದೆ. ತಪಾಸಣೆಯಲ್ಲಿ ಜಾರಿದಳದ ನಾಯಕ ಕೆ.ವಿ.ಮುಹಮ್ಮದ್ ಮದನಿ, ಆರೋಗ್ಯ ನಿರೀಕ್ಷಕಿ ಅಂಬಿಕಾ ಟಿ, ನಿಧೀಶ್ ಪಿ.ಜಿ, ಸ್ಕ್ವಾಡ್ ಸದಸ್ಯರಾದ ಇ.ಕೆ.ಫಾಜಿಲ್, ಒ.ಪಿ.ವಿನೀಶ್ ಕುಮಾರ್ ಭಾಗವಹಿಸಿದ್ದರು.
