ಬಾಕಿ ತೆರಿಗೆ ಪಾವತಿಸಿ ಅಭಿವೃದ್ಧಿಗೆ ಸಹಕರಿಸಿ

ತಲ್ಲೂರ: ನೀರು, ಮನೆ ಕರ ಸೇರಿ ಇತ್ಯಾದಿ ಕರಗಳನ್ನು ಸಾರ್ವಜನಿಕರು ಕಾಲಕಾಲಕ್ಕೆ ಸಂದಾಯ ಮಾಡುವ ಮೂಲಕ ಗ್ರಾಮದ ಅಭಿವೃದ್ಧಿಗೆ ಸಹಕರಿಸಬೇಕು ಎಂದು ತಾಪಂ ಕಾರ್ಯನಿರ್ವಾಹಕ ಅಧಿಕಾರಿ ಆನಂದ ಬಡಕುಂದ್ರಿ ತಿಳಿಸಿದರು.

ಗ್ರಾಮದ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಪ್ರತಿ ವಾರ್ಡ್​ಗಳಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಮನೆಗಳಿಗೆ ತೆರಳಿ ತೆರಿಗೆ ವಸೂಲಿ ಅಭಿಯಾನದಲ್ಲಿ ಸಾರ್ವಜನಿಕರನ್ನುದ್ದೇಶಿಸಿ ಮಾತನಾಡಿ, ಪ್ರತಿಯೊಬ್ಬರು ಬಾಕಿ ತೆರಿಗೆ ಪಾವತಿಸಬೇಕು ಎಂದರು.

ಗ್ರಾಪಂ ಕಾರ್ಯದರ್ಶಿ ಸತೀಶ ಬಡಿಗೇರ ಮಾತನಾಡಿ, 2024&25ನೇ ಸಾಲಿನ ಮಾರ್ಚ್​ ತಿಂಗಳ ತೆರಿಗೆ ಪಾವತಿಗೆ ಕೊನೆಯ ಅವಕಾಶವಿದ್ದು, ಪಾವತಿಸದವರಿಗೆ ಶೇ.5 ಹೆಚ್ಚುವರಿ ದಂಡ ವಿಧಿಸಲಾಗುವುದು ಎಂದು ಹೇಳಿದರು.

ತಾಪಂ ಸಹಾಯಕ ನಿರ್ದೇಶಕ ರಾಮನಗೌಡ ಪಾಟೀಲ, ಪಿಡಿಒ ಎಚ್​.ಕೆ.ಚೌರಡ್ಡಿ, ರಾಜಶೇಖರ ಅಣ್ಣಿಗೇರಿ, ವಿಠ್ಠಲ ಬಡಿಗೇರ, ಮಹೇಶ ಇಟ್ನಾಳ, ಚಂದ್ರು ಮುರಗೋಡ, ಗುರುಪುತ್ರ ಬಡಿಗೇರ, ಪವಿತ್ರಾ ಈಟಿ, ಯಶೋದಾ ಕಾಶಪ್ಪನವರ, ಪ್ರೇಮಾ ಹುಬ್ಬಳ್ಳಿ, ಬಸವರಾಜ ಉಗರಗೋಳ ಇತರರಿದ್ದರು.