ಕತ್ತರಿಯಿಂದ ಚುಚ್ಚಿ ಪಾನ್​ಶಾಪ್ ಮಾಲೀಕ ಪರಾರಿ

ಹುಬ್ಬಳ್ಳಿ: ಪಾನ್​ಶಾಪ್ ಮಾಲೀಕ ಹಾಗೂ ಇಬ್ಬರು ಆಟೋ ಚಾಲಕರ ಮಧ್ಯೆ ಜಗಳ ನಡೆದು ಕತ್ತರಿಯಿಂದ ಚುಚ್ಚುವ ಹಂತಕ್ಕೆ ಹೋಗಿದ್ದು, ಓರ್ವನಿಗೆ ಗಾಯವಾಗಿದೆ.

ಪಾನ್​ಶಾಪ್ ಮಾಲೀಕನಿಗೆ ಹಲ್ಲೆ ಮಾಡಿದ ಆರೋಪದಡಿ ಆಟೋ ಚಾಲಕ ಸೇರಿ ಮೂವರ ವಿರುದ್ಧ ಪ್ರಕರಣ ದಾಖಲಾಗಿದೆ.

69 ವರ್ಷದ ನಿವೃತ್ತ ನೌಕರರೊಬ್ಬರು ಪಾನ್​ಶಾಪ್ ನಡೆಸುತ್ತಿದ್ದರು.

ಈ ಶಾಪ್​ನಲ್ಲಿ 30 ರೂ. ಮೌಲ್ಯದ ವಸ್ತುಗಳನ್ನು ಖರೀದಿ ಮಾಡಿ, 100 ರೂ. ಕೊಟ್ಟಿದ್ದೇವೆ ಎಂದು ಗಲಾಟೆ ತೆಗೆದು, ಹಲ್ಲೆ ಮಾಡಲು ಆಟೋ ಚಾಲಕರು ಮುಂದಾಗಿದ್ದರು ಎನ್ನಲಾಗಿದೆ.

ಈ ವೇಳೆ ಓರ್ವ ಆಟೋ ಚಾಲಕನಿಗೆ ಕತ್ತರಿಯಿಂದ ಚುಚ್ಚಿದ ಪಾನ್​ಶಾಪ್ ಮಾಲೀಕ ಪರಾರಿಯಾಗಿದ್ದಾನೆ ಎನ್ನಲಾಗಿದೆ. ಗೋಕುಲ ರೋಡ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.