ತಿರುವು ಪಡೆಯುವಾಗ ಸಂಚಾರ ಸಿಕ್ಕುಬೃಹತ್ ಕಂಟೇನರ್ ಹಾಗೂ ಟ್ರಕ್ಗಳು ಬೇರೆ ಕಡೆಯಿಂದ ಬಂದು ಹಾಗೂ ಇಲ್ಲಿಂದ ಹೊರಡುವಾಗ ಹೆದ್ದಾರಿಯಲ್ಲಿ ಸಂಚಾರ ಸಿಕ್ಕು ಉಂಟಾಗುತ್ತಿದೆ. ಕೆಲವೊಮ್ಮೆ ಕಂಟೇನರ್ಗಳು ಹೆದ್ದಾರಿಯಿಂದ ತಿರುವು ಪಡೆಯಲು ಗಂಟೆಗಟ್ಟಲೆ ಸಮಯ ತೆಗೆದುಕೊಳ್ಳುತ್ತವೆ. ಇದರ ಹಿಂದೆಯೇ ಮತ್ತೊಂದು, ಮಗದೊಂದು ಲಾರಿಗಳು ಬಂದು ನಿಂತುಕೊಳ್ಳುತ್ತವೆ. ಪರಿಣಾಮ ಹೆದ್ದಾರಿಯಲ್ಲಿ ಇತರ ವಾಹನಗಳ ಸಂಚಾರಕ್ಕೆ ಕಿರಿಕಿರಿ ಉಂಟಾಗುತ್ತಿದೆ.ಸಾವು&ನೋವು ವರದಿಹೆದ್ದಾರಿ ಪಕ್ಕದ ಗ್ಯಾರೇಜ್ನವರು ರಸ್ತೆಯಲ್ಲೆ ವಾಹನ ನಿಲ್ಲಿಸಿ, ದುರಸ್ತಿ ಮಾಡುವುದು, ಇನ್ನು ಲಾರಿ ಚಾಲಕರು ಊಟ, ತಿಂಡಿಗೆ ರಸ್ತೆ ಪಕ್ಕದಲ್ಲೇ ವಾಹನಗಳನ್ನು ಪಾರ್ಕ್ ಮಾಡಿ ಹೋಗುತ್ತಾರೆ. ಪರಿಣಾಮ ಹೈವೇಯಲ್ಲಿ ವೇಗವಾಗಿ ಸಂಚರಿಸುವ ವಾಹನಗಳು ಅಪಘಾತಕ್ಕೀಡಾಗುತ್ತಿವೆ. ಅದರಲ್ಲೂ ರಾತ್ರಿ ವೇಳೆ ಅಪಘಾತ ಪ್ರಮಾಣ, ಪರಿಣಾಮ ಹೆಚ್ಚಿದ್ದು, ಸಾವು&ನೋವುಗಳು ವರದಿಯಾಗುತ್ತಲೇ ಇವೆ.ಇಲಾಖೆಗಳು ಆಟಕ್ಕುಂಟು ಲೆಕ್ಕಕ್ಕಿಲ್ಲ!ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಚಾರ ನಿಯಮ ಉಲ್ಲಂನೆಗೆ ಕಡಿವಾಣ ಹಾಕುವುದು ಪೊಲೀಸ್, ಆರ್ಟಿಒ ಮತ್ತು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಹೊಣೆ. ಪೊಲೀಸ್ ಇಲಾಖೆ ಹೈವೇ ಪೆಟ್ರೊಲಿಂಗ್ (ಹೆದ್ದಾರಿ ಗಸ್ತು) ಎಂಬ ಪ್ರತ್ಯೇಕ ವಾಹನ ಹೊಂದಿದ್ದು, ಇದಕ್ಕೆ ಅಗತ್ಯ ಸಿಬ್ಬಂದಿಯೂ ಇದ್ದಾರೆ. ಇನ್ನು ಆರ್ಟಿಒ ಇಲಾಖೆಯೂ ಸಹ ರಸ್ತೆ ನಿಯಮ ಉಲ್ಲಂನೆ ವಿರುದ್ಧ ಕ್ರಮ ಕೈಗೊಳ್ಳುವ ಅಧಿಕಾರ ಹೊಂದಿದೆ. ನಿಯಮ ಉಲ್ಲಂಸಿ ಪಾರ್ಕ್ ಮಾಡಿದರೆ ಅಂತಹ ವಾಹನಗಳನ್ನು ಜಪ್ತಿಪಡಿಸಿಕೊಳ್ಳುವ ಅಧಿಕಾರವನ್ನು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರಕ್ಕೂ ನೀಡಲಾಗಿದೆ. ಆದರೂ ಮೂರೂ ಇಲಾಖೆಗಳು ಆಟಕ್ಕುಂಟು ಲೆಕ್ಕಕ್ಕಿಲ್ಲ ಎನ್ನುವಂತಿವೆ.
