ಕಾರ್ಡ್ ಇಲ್ಲದಿದ್ದರೆ ಏನೇನು ಸಮಸ್ಯೆ?: ಕರೊನಾ ಸಂದರ್ಭದಲ್ಲಿ ಕೂಲಿಯನ್ನೂ ಮಾಡಲಾಗದೆ, ನಿತ್ಯದ ಊಟಕ್ಕೆ ಪರಿತಪಿಸುವ ಪರಿಸ್ಥಿತಿ ಹಲವು ಕುಟುಂಬಗಳಿಗೆ ಬಂದಿದೆ. ಇಂಥ ಕುಟುಂಬಗಳಿಗೆ ಬಿಪಿಎಲ್ ಕಾರ್ಡ್ ವರದಾನವಾಗುತ್ತಿತ್ತು. ಆದರೆ, ರೇಶನ್ ಕಾರ್ಡ್ ಸಿಗದ ಕಾರಣ ಜಿಲ್ಲೆಯ 3200 ಕ್ಕೂ ಅಧಿಕ ಕುಟುಂಬಗಳಿಗೆ ಆಹಾರ ಧಾನ್ಯ ಸಿಗುತ್ತಿಲ್ಲ. ಆಸ್ಪತ್ರೆಗಳಲ್ಲಿ ಉಚಿತ ಚಿಕಿತ್ಸೆ ಪಡೆಯಲು ಬಿಪಿಎಲ್ ಕಾರ್ಡ್ ಕಡ್ಡಾಯವಾಗಿದೆ. ಕಾರ್ಡ್ ಸಿಗದ ಕಾರಣ ಗಂಭೀರ ಕಾಯಿಲೆ ಇರುವ ಹಲವರು ಸಂಕಷ್ಟಕ್ಕೆ ಒಳಗಾಗಿದ್ದಾರೆ. ಹೊಸ ಮನೆ ನಿರ್ವಿುಸಿಕೊಳ್ಳಲು ಅನುಮತಿ ಪಡೆಯಲು ಗ್ರಾಮ ಪಂಚಾಯಿತಿಗಳಿಗೆ ರೇಷನ್ ಕಾರ್ಡ್ ಸಲ್ಲಿಸುವುದು ಕಡ್ಡಾಯವಾಗಿದೆ. ಇಷ್ಟೇ ಅಲ್ಲದೆ, ಬಡ ಕುಟುಂಬಗಳು ಸರ್ಕಾರದ ನಾನಾ ಯೋಜನೆಗಳ ಉಪಯೋಗ ಪಡೆಯಲು ಬಿಪಿಎಲ್ ಪಡಿತರ ಕಾರ್ಡ್ ಬೇಕೇಬೇಕು.
