ಪಲ್ಟಿಯಾದ ಹಾಲಿನ ಟ್ಯಾಂಕರ್ ರಸ್ತೆಯಲ್ಲಿ ಹರಿದ ಕ್ಷೀರ ಹೊಳೆ

ಮಾಗಡಿ: ಹಾಲಿನ ಟ್ಯಾಂಕರ್  ಟೈಯರ್  ಸಿಡಿದ ಪರಿಣಾಮ ಹಾಲಿನ ಕ್ಯಾಂಟರ್ ಪಲ್ಟಿ ಹೊಡೆದು ಅಪಾರ ಪ್ರಮಾಣದ ಹಾಲು ಭೂಮಿ ಪಾಲಾಗಿದೆ.

ತಾಲೂಕಿನ ತಿಪ್ಪಗೊಂಡನಹಳ್ಳಿ ಗ್ರಾಮದ ಬಳಿ ಶುಕ್ರವಾರ ಘಟನೆ ನಡೆದಿದೆ, ಮಾಗಡಿ ತಾಲೂಕಿನಿಂದ ಬೆಂಗಳೂರಿಗೆ  ಹಾಲನ್ನು  ತುಂಬಿಕೊಂಡು ಹೋಗುವಾಗ ವೇಳೆ ಈ  ಘಟನೆ ನಡೆದಿದೆ. ಕೆಎಂಎಫ್ ಗೆ ಸೇರಿದ ಕ್ಯಾಂಟರ್ ಇದಾಗಿದ್ದು, ಕ್ಯಾಂಟರ್ ಪಲ್ಟಿ ಹೊಡೆದ ಪರಿಣಾಮ ಸಾವಿರಾರು ಲೀಟರ್ ಹಾಲು ರಸ್ತೆಗೆ ಸುರಿದಿದೆ.

ಈ ವೇಳೆ ರಸ್ತೆಯಲ್ಲಿ ಹಾದುಹೋಗುತ್ತಿದ್ದ ನಾಗರೀಕರು ಕ್ಯಾಂಟರ್ ಪಲ್ಟಿಹೊಡೆಯುತ್ತಿದಂತೆ ಕ್ಯಾಂಟರ್‌ನಲ್ಲಿದ್ದ  ಹಾಲನ್ನು  ನಾಗರೀಕರು ಬಾಟಲ್‌ಗಳಲ್ಲಿ ತುಂಬಿಕೊಂಡು ಹೋಗುತ್ತಿದ್ದ ದೃಶ್ಯ ಸಾಮಾನ್ಯವಾಗಿತ್ತು.  ಅಪಘಾತದ ವೇಳೆ ಚಾಲಕ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.  ತಾವರೆಕೆರೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.