ಸರ್ಕಾರದ ಈ ಕಾನೂನು ಜಾರಿಯಾದರೆ ದೇವಾಲಯಗಳು ಸರ್ಕಾರಿ ಕಚೇರಿಯಂತಾಗುತ್ತವೆ. ಆಸ್ತಿಕರ ಭಾವನೆಗೆ ಧಕ್ಕೆಯಾಗುವ ಸಾಧ್ಯತೆ ಹೆಚ್ಚುತ್ತದೆ. ಸಂಪ್ರದಾಯಗಳು ಮೂಲೆಗುಂಪಾಗುತ್ತವೆ. ಹೀಗಾಗಿ ದೇವಾಲಯದ ಸ್ವಾಯತ್ತತೆಗೆ ತಡೆಯೊಡ್ಡುವ ಈ ಕಾನೂನಿನ ವಿರುದ್ಧ ಕಾನೂನು ಹೋರಾಟ ನಿರಂತರವಾಗಿ ಮಾಡಲಾಗುವುದು ಎಂದರು. ಸುಪ್ರಿಂ ಕೋರ್ಟ್ ನಲ್ಲಿರುವ ಪ್ರಕರಣ ಇತ್ಯರ್ಥ ಆಗುವವರೆಗೆ ರಾಜ್ಯ ಸರ್ಕಾರ ಕಾಯ್ದೆ ಅನುಷ್ಠಾನಕ್ಕೆ ಮುಂದಾಗಬಾರದು. ಭಕ್ತರು, ಧಾರ್ವಿುಕ ಮುಖಂಡರ ಭಾವನೆಗೆ ಧಕ್ಕೆ ತರುವ ಕಾರ್ಯ ಕೈಬಿಡಬೇಕು. ಜತೆ, ರಾಜ್ಯದ ಎಲ್ಲ ಹಿಂದುಗಳಿಗೆ ಸರ್ವಸಮ್ಮತವಾದ, ಸರ್ಕಾರದ ಹಸ್ತಕ್ಷೇಪಕ್ಕೆ ಆಸ್ಪದವಿಲ್ಲದ ರೀತಿಯಲ್ಲಿ ಕಾನೂನು ಜಾರಿಗೆ ತರಬೇಕು ಎಂದರು.
