ಆರೋಪಿಗಳು ಸೀಲ್, ಸ್ಟಾಂಪ್ಗಳನ್ನೂ ನಕಲಿ ಮಾಡುತ್ತಿದ್ದರು. ಮೈಸೂರು ಮಹಾರಾಜರ ಕಾಲದ ಛಾಪಾ ಕಾಗದಗಳನ್ನೂ ನಕಲಿ ಮಾಡುತ್ತಿದ್ದ ವಿಚಾರ ಮೆಲ್ನೋಟಕ್ಕೆ ಕಂಡು ಬಂದಿದೆ. ಈ ಎಲ್ಲ ಕರಾಳ ದಂದೆಗೆ ಮೂಲವಾಗಿ, ಬೆಂಗಳೂರಿನ ಎಸ್ಪಿ ರಸ್ತೆಯಲ್ಲಿ ನಕಲಿ ಸ್ಟಾಂಪ್ ಪೇಪರ್ ಮುದ್ರಿಸುತ್ತಿದ್ದ ಸಂಗತಿ ಬಹಿರಂಗಗೊಂಡಿದೆ. ಹಸೈನ್ ಮೋದಿ ಮನೆಯಲ್ಲಿ ಪ್ರಾಂಕಿಂಗ್ ಅಥವಾ ಎಂಬೋಸಿಂಗ್ ಮಾಡಿರುವ ದಾಖಲೆ, ದಿನಾಂಕ ನಮೂದಿಸಿರುವ ಸೀಲು, ತಾಲ್ಲೂಕು ಉಪ ಖಜಾನೆ ಸೀಲು, ಶಿವಾಜಿನಗರ, ಕೆಂಗೇರಿ, ಬೊಮ್ಮನಹಳ್ಳಿ ಹಿರಿಯ ಉಪ ನೋಂದಣಾಧಿಕಾರಿ ಕಚೇರಿ ಸೀಲುಗಳು, ಮತ್ತು ಒಂದು ಇಂಕ್ ಪ್ಯಾಡ್ ಸಿಕ್ಕಿದೆ. ಛಾಪಾ ಕಾಗದಗಳ ಇಮೇಜನ್ನು ಸೇವ್ ಮಾಡಿ ಇಟ್ಟಿದ್ದ ಕಂಪ್ಯೂಟರ್, ಪ್ರಿಂಟ್ ಮಾಡಲು ಉಪಯೋಗಿಸುತ್ತಿದ್ದ ಕಲರ್ ಪ್ರಿಂಟರೂ ಸಿಕ್ಕಿದೆ.
