ವಾರ್ಷಿಕ ವಿಶೇಷ ಶಿಬಿರದ ಯಶಸ್ಸಿನ ನಡುವೆ ಕಳೆದ ಏ. 1ರಂದು ಪರ್ಲಾಣಿ ಗ್ರಾಮದಲ್ಲಿ ಸ್ವಯಂಸೇವಕರು ಸ್ವಚ್ಛತಾ ಕಾರ್ಯದಲ್ಲಿ ಪಾಲ್ಗೊಂಡಿದ್ದಾರೆ. ಪರ್ಲಾಣಿ ಶಾಲೆಯಿಂದ ಚಾರ್ಮಾಡಿ ಪೇಟೆಯವರೆಗೆ, ರಸ್ತೆಯಗಳಲ್ಲಿ ಬಿದ್ದಿದ್ದ ಪ್ಲಾಸ್ಟಿಕ್, ಗಾಜಿನ ಬಾಟಲ್, ಬಟ್ಟೆ ಹಾಗೂ ಇನ್ನಿತರ ಕಸವನ್ನು 80ಕ್ಕೂ ಹೆಚ್ಚು ಸ್ವಯಂಸೇವಕರು ಸಂಗ್ರಹಿಸಿದ್ದಾರೆ. ಈ ಸ್ವಚ್ಛತಾ ಕಾರ್ಯದಲ್ಲಿ 28 ಚೀಲ ಕಸ ಸಂಗ್ರಹವಾಗಿದ್ದು, ಸ್ವಯಂಸೇವಕರ ಈ ಸೇವಾಕಾರ್ಯ ಗ್ರಾಮಸ್ಥರ ಮೆಚ್ಚುಗೆಗೆ ಪಾತ್ರವಾಗಿದೆ. ಸಂಗ್ರಹಿಸಿದ ಕಸವನ್ನು ಗ್ರಾಮ ಪಂಚಾಯತ್ ಸುಪರ್ದಿಗೆ ವಹಿಸಲಾಗಿದೆ. ರಾಷ್ಟ್ರೀಯ ಸೇವಾ ಯೋಜನೆ ಅಧಿಕಾರಿಗಳಾದ ಡಾ.ಲಕ್ಷ್ಮಿ ನಾರಾಯಣ್ ಕೆ.ಎಸ್, ಪ್ರೊ. ದೀಪ ಆರ್.ಪಿ. ಹಿರಿಯ ಸ್ವಯಂಸೇವಕರಾದ ಪೃಥ್ವಿಶ್, ಧರ್ಮಶ್ರೀ ಅವರ ಮಾರ್ಗದರ್ಶನದಲ್ಲಿ ಸ್ವಚ್ಛತಾ ಕಾರ್ಯಕ್ರಮ ನೆರವೇರಿದೆ. ಇದನ್ನೂ ಓದಿ: ನಿದ್ರೆಗೆ ಜಾರಿದ ಸಿದ್ದರಾಮಯ್ಯ; ತಟ್ಟಿ ಎಬ್ಬಿಸಿದ ಡಿಕೆಶಿ!
