ಅಡ್ಡೆಗಾರರ ಸಂಘದ ಪ್ರಧಾನ ಕಾರ್ಯದರ್ಶಿ ವೆಂಕಟೇಶ್ ಮಾತನಾಡಿ, ವೇದಾಂತ ದೇಶಿಕರ ತಿರು ನಕ್ಷತ್ರ ಉತ್ಸವಕ್ಕೆ ಸೇವಾರ್ಥದಾರರು ಸರಿಯಾಗಿ ಆಗಮಿಸದ ಕಾರಣ ನಾವುಗಳು ಮತ್ತು ಹಿಂದಿನ ಇಒ ಮತ್ತು ಅರ್ಚಕರು ತೀರ್ಮಾನಿಸಿದಂತೆ ನಾವು ಈ ಬಾರಿ ಸೇವಾರ್ಥದಾರಿಂದ ಚಲನ್ ಕಟ್ಟಿಸಿಕೊಳ್ಳಬಾರದೆಂದು ಮೊದಲೇ ತಿಳಿಸಿದ್ದರೂ ದೇಗುಲದ ಇಒ ಹಾಗೂ ತಹಶೀಲ್ದಾರ್ ಎಂ.ಮಮತಾ, ಯಾರ ಮಾತನ್ನೂ ಕೇಳದೆ ಚಲನ್ ಕಟ್ಟಿಸಿಕೊಂಡರು. ಆದರೆ ಉತ್ಸವಕ್ಕೆ ನಾವು ಬರುವುದಿಲ್ಲವೆಂದು ತಿಳಿಸಿದ್ದರಿಂದ ನಮಗೆ ನೋಟಿಸ್ ನೀಡಿ ಅಧಿಕಾರಿ ಸಿಬ್ಬಂದಿಯೇ ಉತ್ಸವದ ಅಡ್ಡೆಯನ್ನು ಹೊತ್ತು ಉತ್ಸವ ಮಾಡಿಸಿ, ನಮಗೆ ನೋಟಿಸ್ ನೀಡಿದ್ದಾರೆ. ಆದ್ದರಿಂದ ಮುಂದಿನ ಯಾವುದೇ ಉತ್ಸವಗಳಲ್ಲೂ ಬಾಗವಹಿಸುವುದಿಲ್ಲ. ಈ ವಿಚಾರವಾಗಿ ಅಧಿಕಾರಿಗಳು ಮತ್ತು ಆಡಳಿತ ಮಂಡಳಿಯವರು ಚರ್ಚಿಸಿ ಸೂಕ್ತ ಕ್ರಮ ಕೈಗೊಳ್ಳದಿದ್ದಲ್ಲಿ ಜಿಲ್ಲಾಧಿಕಾರಿ ಮತ್ತು ಇಲಾಖೆ ಆಯುಕ್ತರನ್ನು ಸಂಪರ್ಕಿಸಿ ನಂತರ ತೀರ್ಮಾನ ಕೈಗೊಳ್ಳುತ್ತೇವೆ ಎಂದರು. ಅಡ್ಡೆಗಾರರ ಸಂಘದ ಖಜಾಂಚಿ ಪ್ರಮೋದ್, ನಿರ್ದೇಶಕ ಚಂದ್ರು, ಪುಟ್ಟಸ್ವಾಮಿಗೌಡ ಇದ್ದರು.
