ಹಿಂದಿ ಹೇರುವ ಅಧಿಕಾರ ಕೇಂದ್ರಕ್ಕಿಲ್ಲ

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

ಆಂಗ್ಲ ಭಾಷೆ ಹೇರಿಕೆಯಿಂದ ಕನ್ನಡ ಸಂಕಷ್ಟದಲ್ಲಿದ್ದು, ಈಗ ಕೇಂದ್ರ ಸರ್ಕಾರಕ್ಕೆ ನಮ್ಮ ಮೇಲೆ ಹಿಂದಿ ಭಾಷೆ ಹೇರುವ ಅಧಿಕಾರ ಇಲ್ಲ ಎಂದು ಹಿರಿಯ ವಿಮರ್ಶಕ ಎಸ್​.ಆರ್​. ವಿಜಯಶಂಕರ್​ ಅಭಿಪ್ರಾಯಿಸಿದ್ದಾರೆ.

ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ) ಕನ್ನಡ ಕ್ರಿಯಾ ಸಮಿತಿ ವತಿಯಿಂದ ಎನ್​.ಆರ್​.ಕಾಲನಿಯ ಬಿಎಂಶ್ರೀ ಪ್ರತಿಷ್ಠಾನದಲ್ಲಿ ಸಾರಿಗೆ ಸಂಸ್ಥೆ ಕಾರ್ಮಿಕರಿಗಾಗಿ ಭಾನುವಾರ ಆಯೋಜಿಸಿದ್ದ "ಕನ್ನಡ ಮತ್ತು ಸಂಸತಿ ಜಾಗೃತಿ ಶಿಬಿರ'ದಲ್ಲಿ ಮಾತನಾಡಿದರು.

ಹಿಂದಿ ಭಾಷೆಯ ಅಗತ್ಯವಿದ್ದರೆ ಸ್ವ&ಪ್ರೇರಣೆ ಮೂಲಕವೇ ಕಲಿಯೋಣ. ಆದರೆ, ಹಿಂದಿ ಕಲಿಕೆ ಕಡ್ಡಾಯವಾಗಬಾರದು. ನಮ್ಮ ರಾಜ್ಯದಲ್ಲಿ ಕನ್ನಡ ಹೆಬ್ಬಾಗಿಲಾಗಿ ಮಿಕ್ಕೆಲ್ಲ ಭಾಷೆಗಳು ಕಿಟಕಿಯಂತಿರಬೇಕು ಎಂದರು.

ಕನ್ನಡ ಸಾಹಿತ್ಯ ಪರಿಷತ್ತಿನ ಮಾಜಿ ಅಧ್ಯಕ್ಷ ಡಾ.ಮನು ಬಳಿಗಾರ್​ ಮಾತನಾಡಿ, ಕಲೆ, ಸಾಹಿತ್ಯ, ಸಂಗೀತ, ನೃತ್ಯ ಹೀಗೆ ವಿವಿಧ ಅಂಶಗಳಿಂದ ಸಮಾಜವನ್ನು ಸುಧಾರಿಸುವ ಸಂಸತಿ ಬೆಳೆಯುತ್ತದೆ. ದೇಶದಲ್ಲಿರುವ ಸಂಗೀತದ ಅರ್ಧ ಭಾಗ ಕರ್ನಾಟಕದ್ದಾಗಿದೆ. ಪಂಪ, ರನ್ನ, ಕುಮಾರವ್ಯಾಸ, ಕುವೆಂಪು, ಬೇಂದ್ರೆ, ಕಂಬಾರರು ಸೇರಿ ಅನೇಕರು ನೊಬೆಲ್​ ಪ್ರಶಸ್ತಿಗೆ ಅರ್ಹತೆ ಇದ್ದಂತಹವರು ಎಂದು ತಿಳಿಸಿದರು. "ಕನ್ನಡ ಸಂಸತಿ- ಒಂದು ಚಿಂತನೆ' ವಿಷಯದ ಕುರಿತು ಸಾಹಿತಿ ಡಾ.ಎಸ್​. ಪೂರ್ಣಿಮಾ , "ಕನ್ನಡಿಗರಿಗೆ ಉದ್ಯೋಗಾವಕಾಶ' ಕುರಿತು ಕನ್ನಡಪರ ಚಿಂತಕ ವಸಂತ ಶೆಟ್ಟಿ ಉಪನ್ಯಾಸ ನೀಡಿದರು. ಚಲನಚಿತ್ರ ನಿರ್ದೇಶಕ ಟಿ.ಎನ್​. ಸೀತಾರಾಮ್​, ಕನ್ನಡಪರ ಹೋರಾಟಗಾರ ವ.ಚ. ಚನ್ನೇಗೌಡ, ರಾಜ್ಯ ಪ್ರಧಾನ ಕಾರ್ಯದರ್ಶಿ ಕೆ.ಎಸ್​. ಪ್ರಭುಸ್ವಾಮಿ, ರಾಜ್ಯ ಖಜಾಂಚಿ ಹುಸೇನ್​ ಕೆ.ಎಸ್​.ಎಂ. ಮತ್ತಿತರರಿದ್ದರು.