ಡಿಸಿಎಂ ಕ್ಷೇತ್ರದಲ್ಲಿ ನನ್ನ ಸಾಕ್ಷಿಗುಡ್ಡೆ ಕೇಳಿದ್ದಾರೆ. ನಾನು ಸಿಎಂ ಆಗಿದ್ದ ಅಲ್ಫಾವಧಿವಧಿಯಲ್ಲಿ ಮುಕ್ತವಾಗಿ ಕೆಲಸ ಮಾಡಲು ಈ ಕಾಂಗ್ರೆಸ್ ನವರು ಬಿಡಲಿಲ್ಲ. ಆದರೂ, ರೈತರ ಸಾಲಮನ್ನದ ಜೊತೆಗೆ ಹಲವಾರು ಜನಪರ ಕಾರ್ಯಕ್ರಮಗಳನ್ನು ನಾಡಿಗೆ ನೀಡಿದ್ದೇನೆ. ತಾಲೂಕಿಗೆ ಸಾವಿರಾರು ಕೋಟಿ ಅನುದಾನ ತಂದು ಅಭಿವೃದ್ಧಿ ಮಾಡಿದ್ದೇನೆ. ಸತ್ತೇಗಾಲ ಯೋಜನೆ ಸೇರಿದಂತೆ ತಾಲೂಕಿನ ರಸ್ತೆಗಳ ಅಭಿವೃದ್ಧಿ ಸಾಲುಸಾಲು ಅಭಿವೃದ್ಧಿ ಜನರ ಮುಂದಿದೆ. ನಾನು ಕಲ್ಲಿನ ಮೇಲೆ ಹೆಸರು ಬರೆಸಿಕೊಳ್ಳಲು ಇಚ್ಚಿಸಿದವನಲ್ಲ.., ಜನರ ಹೃದಯದಲ್ಲಿ ನೆಲೆಸಲು ಬಯಸಿದವನು. ಕ್ಷೇತ್ರದ ಅಭಿವೃದ್ಧಿಗೆ ನನ್ನ ಕೊಡುಗೆ ಬಗ್ಗೆ ನಿಮ್ಮಿಂದ ಸರ್ಟಿಫಿಕೇಟ್ ಬೇಡ ಎಂದು ಡಿಸಿಎಂ ವಿರುದ್ಧ ವಾಗ್ದಾಳಿ ನಡೆಸಿದರು.
