ಜಯಮಂಗಲಿ ಉಗಮ ಸ್ಥಾನದಲ್ಲಿ ಪತ್ತೆಯಾದ ಹೊಸ ಜೇಡ ಪ್ರಭೇದ !

ತುಮಕೂರು: ದೇವರಾಯನದುರ್ಗದ ಜಯಮಂಗಲಿ ಉಗಮ ಸ್ಥಾನದಲ್ಲಿ ಪತ್ತೆಯಾಗಿದ್ದ ಹೊಸ ಜೇಡಕ್ಕೆ "ತೆಂಕಣ ಜಯಮಂಗಲಿ' ಎಂದು ಹೆಸರಿಸಲಾಗಿದೆ.

ಜಿಲ್ಲೆಯ ದೇವರಾಯನದುರ್ಗದ ಜಯಮಂಗಲಿ ಉಗಮ ಸ್ಥಾನ ಪ್ರದೇಶದಲ್ಲಿ ಜೇಡರ ಹುಳು ತಜ್ಞರಾದ ವನ್ಯಜಿವಿ ಜಾಗೃತಿ ನಿಸರ್ಗ ಸಂಸ್ಥೆಯ ಬಿ.ಜಿ.ನಿಶಾ, ಚಿನ್ಮಯ್​ ಸಿ.ಮಲಿಯೆ, ಡಬ್ಲೂ ಡಬ್ಲೂ ಎ್​ ಸಂಸ್ಥೆಯ ವೈ.ಟಿ.ಲೋಹಿತ್​ ಗಿಡಮರಗಳಿಂದ ಬಿದ್ದ ಒಣ ತರಗೆಲೆಗಳಲ್ಲಿ ಜಂಪಿಂಗ್​ ಸ್ಪೆ$ಡರ್​ ಗುಂಪಿನ ಈ ಜೇಡರ ಹುಳುಗಳ ಆವಾಸ, ವರ್ತನೆಯ ವೈಜ್ಞಾನಿಕ ಅಧ್ಯಯನವನ್ನು ವರ್ಷದ ಹಿಂದೆಯೇ ಕೈಗೊಂಡಿದ್ದರು.

ಇತರೆ ಜೇಡರ ಹುಳುಗಳಿಗಿಂತ ಭಿನ್ನವಾಗಿರುವುದರಿಂದ ಈ ಜೇಡದ ಹೆಣ್ಣು ಮತ್ತು ಗಂಡು ಮಾದರಿಗಳನ್ನು ವಂಶವಾಹಿ ಡಿಎನ್​ಎ ಹಾಗೂ ಅಣು ಮಟ್ಟದ ಅಧ್ಯನಕ್ಕಾಗಿ ವಿಜ್ಞಾನಿಗಳಾದ ಜಾನ್​ ಕೆಲಬ್​, ಕಿರಣ್​ ಮರಾಠೆ, ಕೃಷ್ಣಮೇಘ ಕುಂಟೆ ಹಾಗೂ ಕೆನಡಾದ ವೈನೆ ಮ್ಯಾಡಿಸನ್​ಗೆ ಕಳುಹಿಸಿಕೊಡಲಾಗಿತ್ತು.

ಬೇರೆ ಜೇಡಗಳ ಜತೆ ಈ ಜೇಡದ ಡಿಎನ್​ಎ ಮ್ಯಾಪಿಂಗ್​ ಮಾಡಿದಾಗ ಸಂಪೂರ್ಣ ಭಿನ್ನವಾಗಿರುವ ಅಣು ಸಂಯೋಜನೆ ಕಂಡುಬಂದಿರುವುದರಿಂದ ಈ ಹೊಸ ಪ್ರಭೇದಕ್ಕೆ ತೆಂಕಣ ಜಯಮಂಗಲಿ ಎಂದು ನಾಮಕರಣ ಮಾಡಲಾಗಿದೆ. ಹೊಸ ಜಾತಿಗೆ ತೆಂಕಣ (ದಕ್ಷಿಣ ಏಷ್ಯಾ) ಎಂತಲೂ ಮತ್ತು ಪ್ರಭೇದ ಜಯಮಂಗಲಿ ( ಜಯಮಂಗಲಿ ಉಗಮ ಸ್ಥಾನ) ಎಂದು ಹೆಸರಿಸಲಾಗಿದೆ. ಇಂತಹ ವಿಭಿನ್ನ ಲಕ್ಷಣದ ಹೊಸ ಜೇಡದ ಬಗ್ಗೆ ಸಂಶೋಧನಾ ಬರಹ ಅಂತರಾಷ್ಟ್ರೀಯ ನಿಯತಕಾಲಿಕೆ ರ್ಜನಲ್​ ಝೂಕೀಸ್​ ನಲ್ಲಿ ಅ.11 ರ 2024 ರ ಸಂಚಿಕೆಯಲ್ಲಿ ಪ್ರಕಟವಾಗಿತ್ತು.

ಬೆಂಗಳೂರಿನ ಜೀವ ವಿಜ್ಞಾನ ಕೇಂದ್ರ (ಎನ್​ಸಿಬಿಎಸ್​) ಮತ್ತು ಯೂನಿವರ್ಸಿಟ್​ ಆಫ್​ ಬ್ರಿಟಿಷ್​ ಕೊಲಂಬಿಯಾ ಲ್ಯಾಬ್​ ಸಹಯೋಗದಲ್ಲಿ ಈ ಸಂಶೋಧನೆ ಮಾಡಲಾಗಿತ್ತು.