ಮೈಸೂರು ಝೂಗೆ ಬಂದ ಹೊಸ ಅತಿಥಿ: ಹಾಲುಣಿಸಿ ಆರೈಕೆ ಮಾಡಿದ ತಾಯಿ

ಮೈಸೂರು: ನಗರದ ಶ್ರೀಚಾಮರಾಜೇಂದ್ರ ಮೃಗಾಲಯಕ್ಕೆ ಇತ್ತೀಚೆಗೆ ಹೊಸ ಅತಿಥಿಯೊಬ್ಬರು ಆಗಮಿಸಿದ್ದಾರೆ. ಭರತ್​ ಮತ್ತು ಕುಷಿ ಹೆಸರಿನ ಜಿರಾಫೆಗಳಿಗೆ ಮಾ.7ರಂದು ಗಂಡು ಜಿರಾಫೆ ಮರಿಯೊಂದು ಹುಟ್ಟಿದ್ದು ಮೃಗಾಲಯದ ಆಡಳಿತ ವರ್ಗವು ಈ ಸಂತಸವನ್ನು ಹಂಚಿಕೊಂಡಿದೆ.

ತಾಯಿ ಜಿರಾಫೆಯಾಗಿರುವ ಕುಷಿಯು ಲಕ್ನೋ ಮೃಗಾಲಯದ ಅನುಭವ್​ ಮತ್ತು ಸುಜಾತ ಜಿರಾಫೆಗಳಿಗೆ ಜನಿಸಿತ್ತು. ಕುಷಿ ಎರಡನೇ ವಯಸ್ಸಿನಲ್ಲಿದ್ದಾಗ ಆಕೆಯನ್ನು ಪ್ರಾಣಿ ವಿನಿಮಯ ಕಾರ್ಯಕ್ರಮದಡಿ 2007ರ ಅಕ್ಟೋಬರ್​ 7ರಂದು ಲಕ್ನೋ ಮೃಗಾಲಯದಿಂದ ಮೈಸೂರು ಮೃಗಾಲಯಕ್ಕೆ ಕರೆತರಲಾಗಿತ್ತು. ಅಂದಿನಿಂದ ಇಂದಿನವರೆಗೆ ಕುಷಿ ಒಟ್ಟು ಆರು ಮರಿಗಳಿಗೆ ಜನ್ಮ ನೀಡಿದ್ದಾಳೆ. ಅವುಗಳಲ್ಲಿ ಭೀಮ್​ ಹೆಸರಿನ ಗಂಡು ಜಿರಾಫೆ ಮರಿಯನ್ನು ಪ್ರಾಣಿ ವಿನಿಮಯ ಕಾರ್ಯಕ್ರಮದಡಿ 2012ರ ಏಪ್ರಿಲ್​ 14ರಂದು ಪಾಟ್ನಾದ ಮೃಗಾಲಯಕ್ಕೆ ಕಳುಹಿಸಿಕೊಡಲಾಗಿದೆ.

ಕುಷಿ 2009ರಲ್ಲಿ ಲಕ್ಷ್ಮೀ ಹೆಸರಿನ ಹೆಣ್ಣು ಜಿರಾಫೆ, 2012ರಲ್ಲಿ ಭೀಮ್​ (ಗಂಡು), 2013ರಲ್ಲಿ ಬಬಿ (ಹೆಣ್ಣು), 2015ರಲ್ಲಿ ಭರತ್​ (ಗಂಡು), 2018ರಲ್ಲಿ ತ್ರಿಶಿಕ (ಹೆಣ್ಣು) ಹೆಸರಿನ ಮರಿಗಳಿಗೆ ಜನ್ಮ ನೀಡಿದೆ. ಇದೀಗ ಮತ್ತೊಂದು ಗಂಡು ಮರಿಗೆ ಜನ್ಮ ನೀಡಿರುವುದಾಗಿ ತಿಳಿಸಲಾಗಿದೆ. ತಾಯಿ ಜಿರಾಫೆ ತನ್ನ ಮಗುವಿಗೆ ಹಾಲುಣಿಸಿ ಆರೈಕೆ ಮಾಡುತ್ತಿದೆ.

https://www.vijayavani.net/byd-is-proud-to-announce-that-it-has-created-the-worlds-largest-mass-produced-face-mask-plant/

https://www.vijayavani.net/kalburgi-in-high-alert-coronovirus-covid19/