ವುಹಾನ್: ಚೀನಾ ಕರೊನಾ ವೈರಸ್ನಿಂದಾಗಿ ತತ್ತರಿಸಿದೆ. ದೇಶದಲ್ಲಿ 3000ಕ್ಕೂ ಹೆಚ್ಚು ಜನರನ್ನು ಬಲಿ ತೆಗೆದುಕೊಂಡ ಕಾಯಿಲೆ ಇದೀಗ ಬೇರೆ ಬೇರೆ ದೇಶಗಳಿಗೂ ಹಬ್ಬಿದೆ. ಆದರೆ ಎಲ್ಲ ಸಮಸ್ಯೆಯನ್ನೂ ಧೈರ್ಯದಿಂದ ಎದುರಿಸುವ ಚೀನಾದಲ್ಲಿ ಎಲೆಕ್ಟ್ರಿಕ್ ಸಾಮಾಗ್ರಿಗಳನ್ನು ತಯಾರಿಸುತ್ತಿದ್ದ ಸಂಸ್ಥೆಯೊಂದು ಕರೊನಾ ವೈರಸ್ನಿಂದಾಗಿ ತನ್ನ ಕೆಲಸವನ್ನೇ ಬದಲಾಯಿಸಿಕೊಂಡಿದ್ದು, ಅದೀಗ ವಿಶ್ವದ ನಂಬರ್ 1 ಮಾಸ್ಕ್ ತಯಾರಕ ಸಂಸ್ಥೆಯಾಗಿ ಹೊರಹೊಮ್ಮಿದೆ.
ಚೀನಾದ ಬಿವೈಡಿ ಸಂಸ್ಥೆ 1995ರಲ್ಲಿ ಆರಂಭವಾಗಿದ್ದು ಅಂದಿನಿಂದ ಎಲೆಕ್ಟ್ರಿಕ್, ಬೈಕ್, ಕಾರು ಸೇರಿದಂತೆ ಅನೇಕ ಎಲೆಕ್ಟ್ರಿಕ್ ಸಾಮಾಗ್ರಿಗಳ ತಯಾರಿಕೆಯಲ್ಲಿ ತೊಡಗಿಕೊಂಡಿತ್ತು. ದೇಶದಲ್ಲಿ ಕರೊನಾ ವೈರಸ್ ಪತ್ತೆಯಾಗುತ್ತಿದ್ದಂತೆ ಜಾಣತನ ತೋರಿದ ಸಂಸ್ಥೆಯ ಮಾಲೀಕ ವಾರೆನ್ ಬಫೆಟ್ ಎಲೆಕ್ಟ್ರಿಕ್ ಸಾಮಾಗ್ರಿಗಳ ಬದಲಾಗಿ ಮಾಸ್ಕ್ ತಯಾರಿಸಲು ಮುಂದಾಗಿದ್ದಾರೆ. ಮಾಸ್ಕ್ ತಯಾರಿಕೆಯಲ್ಲಿ ತೊಡಗಿಕೊಂಡ ಸಂಸ್ಥೆ ಒಂದು ದಿನಕ್ಕೆ 54.8 ಮಿಲಿಯನ್ ಮಾಸ್ಕ್ಗಳನ್ನು ತಯಾರಿಸುತ್ತಿದೆ. ಇದರಿಂದಾಗಿ ಮಾಸ್ಕ್ ತಯಾರಿಸಲು ಆರಂಭಿಸಿ ಕೇವಲ ಒಂದು ತಿಂಗಳೊಳಗಾಗಿ ತಾವು ವಿಶ್ವದ ನಂಬರ್ 1 ಮಾಸ್ಕ್ ತಯಾರಕ ಸಂಸ್ಥೆಯಾಗಿದ್ದೇವೆ ಎಂದು ಸಂಸ್ಥೆ ಹೇಳಿಕೊಂಡಿದೆ.
ಬಿವೈಡಿ ಸಂಸ್ಥೆ ಈ ರೀತಿಯಲ್ಲಿ ತಕ್ಷಣದ ಅವಶ್ಯಕತೆಗೆ ಹೊಂದುಕೊಳ್ಳುವಂತೆ ಕೆಲಸವನ್ನು ಮಾಡುತ್ತಾ ಬಂದಿರುವುದಾಗಿ ಸಂಸ್ಥೆ ಹೇಳಿಕೊಂಡಿದೆ. ಕೇವಲ ಬಿವೈಡಿ ಮಾತ್ರವಲ್ಲದೆ ಚೀನಾದ ಅನೇಕ ಸಂಸ್ಥೆಗಳು ಆಯಾ ಸಮಯದ ಅಗತ್ಯತೆಗೆ ತಕ್ಕಂತೆ ತಮ್ಮ ಕೆಲಸವನ್ನು ಬದಲಿಸಿಕೊಳ್ಳಬಲ್ಲ ಸಾಮರ್ಥ್ಯವನ್ನು ಹೊಂದಿರುವುದು ವಿಶೇಷ. (ಏಜೆನ್ಸೀಸ್)
ಮಧ್ಯಪ್ರದೇಶದ ಕಮಲ್ನಾಥ್ ಸರ್ಕಾರಕ್ಕೆ ವರವಾಗಲಿದೆಯೇ ಕರೊನಾ ವೈರಸ್ ಭೀತಿ?
ಕೈಗೆ ಕೈಕೊಟ್ಟು ಕಮಲ ಹಿಡಿದು ರಾಜ್ಯಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸಿದ ಜ್ಯೋತಿರಾದಿತ್ಯ ಸಿಂಧಿಯಾ