ಪುರಸಭಾ ವ್ಯಾಪ್ತಿಯ ಬಿ.ಮೂಡ ಗ್ರಾಮದಲ್ಲಿ ಅತಿಹೆಚ್ಚು ಕಡೆಗಳಲ್ಲಿ ಕೊಳಚೆ ನೀರು, ಕೊಳೆತ ತ್ಯಾಜ್ಯವಸ್ತುಗಳು ನೇತ್ರಾವತಿ ಒಡಲಿಗೆ ಸೇರುತ್ತಿವೆ. ಬಿ.ಸಿ.ರೋಡು ನಗರದಲ್ಲಿ ವಸತಿ ಸಂಕೀರ್ಣಗಳು, ಬಡಾವಣೆಗಳು, ಮನೆಗಳು, ಹೋಟೆಲ್ಗಳು ಹೆಚ್ಚಿದ್ದು ಇವುಗಳ ಮಲಿನ ನೀರು ಚರಂಡಿ ಮೂಲಕ ನದಿ ಸೇರಿದರೆ, ತ್ಯಾಜ್ಯವಸ್ತುಗಳು, ಬಾಟಲ್ ಸಹಿತ ಇನ್ನಿತರ ವಸ್ತುಗಳು ನದಿ ನೀರಿನಲ್ಲಿ ತೇಲಾಡುತ್ತಿರುತ್ತವೆ. ಬಿ.ಸಿ.ರೋಡಿನ ಮಪತ್ ಲಾಲ್ ಲೇಔಟ್, ಆರಾಧ್ಯ ಲೇಔಟ್ ಬಳಿ, ಬಸ್ತಿಪಡ್ಪು, ಕಂಚಿಕಾರಪೇಟೆ, ಗೂಡಿನ ಬಳಿ ಹಾಗೂ ಬಂಟ್ವಾಳ ಬಡ್ಡಕಟ್ಟೆ ಮಾರುಕಟ್ಟೆ ಹಿಂಭಾಗ, ತಿರುಮಲ ವೆಂಕಟರಮಣ ದೇವಾಲಯದ ನದಿಕಿನಾರೆ ಸೇರಿದಂತೆ ಪಾಣೆಮಂಗಳೂರಿನ ವಿವಿಧ ಕಡೆಗಳಲ್ಲಿ ಹೀಗೆ ಸದ್ಯಕ್ಕೆ ಸುಮಾರು 12 ಕಡೆಗಳಲ್ಲಿ ಕೊಳಚೆ ನೀರು ನೇತ್ರಾವತಿ ನದಿ ಸೇರುತ್ತಿದೆ.
