ಏಳು ಎಕರೆ ಪಿತ್ರಾರ್ಜಿತ ಜಮೀನಿನ ಜತೆಗೆ, ಐದು ಎಕರೆ ಜಮೀನನ್ನು ಭೋಗ್ಯಕ್ಕೆ ಪಡೆದಿದ್ದು, ತರಕಾರಿ ಕೃಷಿಯಲ್ಲಿ ಸೈ ಎನಿಸಿಕೊಂಡಿದ್ದಾರೆ. ತಮ್ಮ ಜಮೀನಿನಲ್ಲಿರುವ ಲಭ್ಯ ನೀರಾವರಿ ಸೌಲಭ್ಯ ಬಳಸಿಕೊಂಡು ಒಂದಲ್ಲ ಒಂದು ತರಕಾರಿ ಬೆಳೆಯುವುದು ಇವರ ನಿರಂತರ ಕಾಯಕ. ಟೊಮ್ಯಾಟೋ, ಹೀರೆಕಾಯಿ, ಬೆಂಡೆಕಾಯಿ, ಮೆಣಸಿನಕಾಯಿ, ಅವರೆಕಾಯಿ, ಪರಂಗಿ ಸೇರಿ ಒಂದಲ್ಲ ಒಂದು ತರಕಾರಿ ಇವರ ಜಮೀನಿನಲ್ಲಿ ಇದ್ದೆ ಇರುತ್ತದೆ. ಆಯಾ ಸೀಜನ್ನಲ್ಲಿ ಮಾರುಕಟ್ಟೆಯಲ್ಲಿ ಯಾವ ತರಕಾರಿಗೆ ಬೇಡಿಕೆ ಇರುತ್ತದೆ ಎಂಬುದನ್ನು ಕರಗತ ಮಾಡಿಕೊಂಡಿರುವ ಇವರು, ಅದರಂತೆ ತರಕಾರಿ ಬೆಳೆದು ಲಾಭ ಕಾಣುತ್ತಿದ್ದಾರೆ. ಜತೆಗೆ ತೆಂಗು ಬೆಳೆಯಲ್ಲಿಯೂ ಲಾಭ ಕಂಡು ಕೊಂಡಿದ್ದಾರೆ.
